web counter
LEXO PA REKLAMA!

SHKARKO APP

App Store
Google Play

E fundit!

x

Media greke, jehonë protestave kundër Veliajt/ "Po tronditin kryeqytetin shqiptar"

29 Maj 2024, 14:00, Aktualitet CNA

Media greke, jehonë protestave kundër Veliajt/ "Po tronditin

Media greke “To Vima” u ka bërë jehonë protestave para Bashkisë së Tiranës, kundër kryebashkiakut Erion Veliaj, pas arrestimit të drejtorëve për aferën e inceneratorëve dhe dosjen “5D”.

Deri më tani janë zhvilluar 9 protesta, ndërsa media greke deklaron se “protestat po tronditin kryeqytetin shqiptar”.

“To Vima” shkruan se “kërkesa e protestuesve është dorëheqja e ‘të korruptuarit, të zgjedhurit të Edi Ramës’, kryebashkiakut të Tiranës, Erion Veliaj”.

Një prononcim për këtë ka dhënë edhe drejtuesi i PD-së për Tiranën, Belind Këlliçi, i cili hodhi akuza ndaj Veliajt.

“Siç e kam denoncuar që nga fushata elektorale në 2023, kryetari i Bashkisë së Tiranës dhe kandidati i Partisë Socialiste, Erion Veliaj, abuzoi me fondet publike dhe administratën e Bashkisë së Tiranës për të siguruar mandatin e tretë. Përveç keqpërdorimit të fondeve shtetërore dhe lidhjeve të tij me grupet e krimit të organizuar, ai bleu vota dhe frikësoi votuesit”, u shpreh Këlliçi.

Ai ka pyetur nëse ka prova për akuzat e ngritura, drejtuesi politik i PD-së për Tiranën renditi raportet ndërkombëtare që flasin për korrupsionin dhe veprimet e SPAK-ut.

“Së pari, raporti i Organizatës për Siguri dhe Bashkëpunim në Evropë për zgjedhjet e majit 2023, duke përmendur të njëjtat shqetësime, kërkoi marrjen e masave nga autoritetet gjyqësore shqiptare për të vënë autorët para përgjegjësisë.

Megjithatë, Prokuroria e Posaçme ndërhyri 7 muaj pas zgjedhjeve, duke arrestuar krahun e djathtë të kryebashkiakut dhe kreun e fushatës së tij zgjedhore, me akuzën e shpërdorimit të detyrës për skandalin korruptiv të inceneratorit të Tiranës. Dy muaj më parë, Prokuroria e Posaçme ka ngritur aktakuzë për të 6 drejtorët e Bashkisë”, vijoi ai.

Më tej, Këlliçi kërkoi që Veliaj të japë llogari për aferat në të cilat është përfshirë Bashkia e Tiranës.

“Duke qenë se kryebashkiaku i Tiranës mohon çdo përfshirje në skandal, opozita u ka bërë thirrje qytetarëve të protestojnë. Ne kemi mbajtur 9 demonstrata deri më tani ku i kemi bërë thirrje kryetarit të dorëhiqet dhe kërkojmë nga Prokuroria e Posaçme që ta thërrasë atë të japë llogari si përfituesi kryesor financiar dhe politik i skandalit të paprecedentë korruptive”, nënvizoi ish-deputeti./ CNA





Lajmet e fundit nga