web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi për manipulim votash në Dibër/ Policia referon në SPAK kandidatin e PD dhe tre të tjerë

10 Maj 2025, 17:00, Aktualitet CNA

Denoncimi për manipulim votash në Dibër/ Policia referon në

Gazetarja Klodiana Lala me anë të një statusi në rrjetet sociale ka bërë një reagim për ngjarjen e ndodhur në Dibër ku u denoncua manipulimi i votës.

Lala referuar njoftimi të policisë, shkruan se përveç referimit të Xhemal Gjunkshit për “Vetëgjyqësi”, janë referuar materiale për tre shtetas të tjerë të akuzuar për “Pengimi i qarkullimit të mjeteve të transportit rrugor” dhe “Korrupsioni aktiv në zgjedhje”.

 

“Ngjarja e Maqellarës është referuar në SPAK për korrupsion zgjedhor, pasi në makinën e një biznesmeni të lidhur me pushtetin u gjetën 4,500 dollarë, 1 mijë paund dhe tollona nafte.
Biznesmeni ka fituar tenderë publikë pranë Bashkive Dibër dhe Mat.
Xhemal Gjunkshi është referuar për vetëgjyqësi.
Media jonë e ndritur e harron “rastësisht” referimin për korrupsion dhe merret me vetëgjyqësinë.
Ne, gazetarët, duhet ta informojmë drejt publikun, ndryshe bëhemi gryka topi dhe minojmë realitetin.

Më poshtë njoftimi i policisë:

Me datë 09.05.2025, rreth orës 21.15, në sallën Operative të Drejtorisë Vendore të Policisë Dibër ka mbërritur një telefonatë nga shtetasi Xh.Gj., (kandidat për deputet i subjektit politik Partia Demokratike), i cili shprehej se në Maqellarë, përfaqësues të subjektit politik të Partisë Socialiste dyshohej që shpërndanin shuma parash në këmbim të votave, banorëve të kësaj njësie.

Menjëherë, në adresën e dhënë ka shkuar grupi i posaçëm hetimor i Drejtorisë Vendore të Policisë Dibër dhe nën drejtimin e SPAK dhe Prokurorisë së Rrethit Dibër, janë kryer të gjitha veprimet e duhura hetimore.

Për sa më sipër, u referuan materialet procedurale pranë SPAK, për veprën penale “Korrupsioni aktiv në zgjedhje”, e lidhur me veprat penale “Vetëgjyqësia”, “Pengimi i qarkullimit të mjeteve të transportit rrugor”, në ngarkim të shtetasve A.K., 29 vjeç; H.H., 48 vjeç; Xh.Gj., 62 vjeç; E.Gj., 33 vjeç”, shkruan Lala.

 

Kujtojmë që pak ditë më parë kandidati i PD, Xhemal Gjunkshi paditi në SPAK kryetarin e Bashkisë së Peshkopisë, Rrahim Spahiu. Gjunkshi tha se pahiu po përdor administratën publike si dhe po ushtrohet presion në lidhje me ndihmën ekonomike që u jepet banorëve të Dibrës./ CNA





Lajmet e fundit nga