Dënohet me 3 vite burg ish-kryebashkiaku i Bulqizës, Lefter Alla

28 Dhjetor 2023, 10:10, Aktualitet CNA

Dënohet me 3 vite burg ish-kryebashkiaku i Bulqizës, Lefter Alla

Lefter Alla, ish-kryebashkiaku socialist i Bulqizës

Gjykata e Posaçme kundër Korrupsionit dhe Krimit të Organizuar ka dhënë dënimin për ish-kryetarin e Bashkisë së Bulqizës, Lefter Alla, të afërmin e tij dhe 8 ish-zyrtarët e tjerë të kësaj bashkie.

Ish-kryebashkiaku është dënuar me 3 vite burg, por për shkak të gjykimit të shkurtuar përfundimisht do të vuajë 2 vite heqje lirie.

Ai u shpall fajtor nga Gjykata e Posaçme, për akuzat e shpërdorimit të detyrës, shkelje të barazisë në tenderë dhe falsifikimit.

Lefter Alla dhe ish-zyrtarët e tjerë akuzohen për shkelje të barazisë në tenderin për rehabilitimin e rrjetit të ujësjellësit në një nga lagjet e Bulqizës.

Arrestimi i Lefter Allës:

Lefter Alla, u arrestua më 15 mars 2023 bashkë me 12 persona të tjerë, për shkelje të barazisë në tendera dhe shpërdorim detyre mbi dyshimet e abuzimit në një tender me vlerë 3 milionë euro.

Ai akuzohet se bashkëpunim me ish-zyrtarët e tjerë favorizoi dy kompani gjatë procedurës së prokurimit publik me qëllim që më pas punimet për ujësjellësin t’i kryejë kompania ‘OE 2AF Albania shpk’, e cila është në administrimin e të afërmit të Allës, Aqif Konesha. Kompanitë që dolën fituese të tenderit ishin ‘BOE Egland shpk’ dhe ‘BE-IS shpk’.

Dënimet e dhëna nga GJKKO:

1 - Lefter Alla, fajtor veprën penale “Shkelja e barazisë së pjesëmarrësve në tendera apo ankande publike”, dhe “Shpërdorim i detyrës”! Dënohet me 3 vite burg, me gjykim të shkurtuar ulet në 2 vite burg! 5 vite nuk ushtron asnjë funksion publik.

2. E.Ll, fajtor për veprën penale “Shkelja e barazisë së pjesëmarrësve në tendera apo ankande publike” dhe “Shpërdorim i detyrës”! Dënohet me 2 (dy) vjet e 6 (gjashtë) muaj burgim, por Gjykata vendos lirimin me kusht! 5 vite nuk ushtron asnjë funksion publik.

3. R.K, fajtor për veprën penale “Shkelja e barazisë së pjesëmarrësve në tendera apo ankande publike”! Dënohet me 1 vit e 2 muaj burgim, lirohet me kusht! 5 vite nuk ushtron asnjë funksion publik.

4. A.Gj, fajtor për veprën penale “Shkelja e barazisë së pjesëmarrësve në tendera apo ankande publike”! Dënohet me 1 vit e 2 muaj burgim, lirohet me kusht! 5 vite nuk ushtron asnjë funksion publik.

5. K.Z, fajtor për veprën penale “Shkelja e barazisë së pjesëmarrësve në tendera apo ankande publike”! Dënohet me 1 vit e 2 muaj burgim, lirohet me kusht! 5 vite nuk ushtron asnjë funksion publik.

6. L.D, fajtor për veprën penale “Shkelja e barazisë së pjesëmarrësve në tendera apo ankande publike”! Dënohet me 1 vit e 2 muaj burgim, lirohet me kusht! 5 vite nuk ushtron asnjë funksion publik.

7. E.I, fajtor për veprën penale “Shkelja e barazisë së pjesëmarrësve në tendera apo ankande publike”, “Korrupsion pasiv i personave qe ushtrojnë funksione publike”! Dënohet me 3 vite burg, me gjykim të shkurtuar ulet në 2 vite burg! 5 vite nuk ushtron asnjë funksion publik.

8. R.D, fajtor për veprat penale “Falsifikim i dokumenteve”, dhe “Korrupsioni aktiv i personit qe ushtron funksione publike”! Dënohet me 2 vjet e 6 muaj burgim, me gjykim të shkurtuar ulet në 1 vit e 8 muaj burgim! 3 vite nuk ushtron administratorin e personit juridik.

9. A.K, fajtor për veprën penale “Falsifikim i dokumenteve”! Dënohet me 2 vite burg, me gjykim të shkurtuar ulet në 1 vit e 4 muaj burg! 3 vite nuk ushtron administratorin e personit juridik

10. D.G, akuzuar se ka kryer veprën penale “Falsifikim i dokumenteve”! Dënohet me 1 vit burg, lirohet me kusht./ CNA