web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat për korrupsionin/ Ish-zv.kryeministrja: Marta Kos nuk foli për popull konkret, por për fenomen

26 Mars 2026, 20:45, Aktualitet CNA

Deklaratat për korrupsionin/ Ish-zv.kryeministrja: Marta Kos nuk foli

Ish-zëvendëskryeministrja, Ermelinda Meksi ka komentuar deklaratat e komisioneres së BE-së për Zgjerimin, Marta Kos mbi korrupsionin. 

Në reagimin e saj në rrjete sociale, Meksi shprehet se deklarata e Kos nuk ishte një sulm ndaj shqiptarëve, për shkak se sipas saj ajo nuk foli për një popull konkret por për një fenomen.

Lidhur me qëndrimin e politikës ndaj këtij fenomeni, Meksi shkruan se opozita e dënon korrupsionin vetëm kur është i kundërshtarit, ndërsa qeveria tenton ta relativizojë. Ajo thekson se pa një standard të njëjtë ndaj korrupsionit çdo debat mbetet i cekët.  

Postimi i plotë:

Deklarata e Marta Kos për korrupsionin nuk ishte një sulm ndaj shqiptarëve, por një tezë e njohur në studimet mbi korrupsionin se ligjet nuk mjaftojnë nëse normat sociale e tolerojnë shkeljen.

Ajo nuk foli për një popull konkret, por për një fenomen. Dhe pikërisht këtu qëndron arsyeja pse kjo deklaratë “dhemb”, sepse zhvendos fokusin nga “ata lart” edhe tek “ne si shoqëri”. Ndërkaq, reagimi i Kryeministrit Edi Rama sot në MatchMaker Albania, tenton të relativizojë problemin.

Nëse ju thuhet të tjerëve: "shihni veten", kjo shmang thelbin e fenomenit, sepse edhe nëse të tjerët kanë korrupsion, kjo nuk e zhbën tonin.

Ndërkohë, tifozëria politike bën edhe më keq, kur korrupsioni dënohet vetëm kur është i kundërshtarit.

Pra, lidhur me qëndrimin ndaj fenomenit të korrupsionit, vërehet se: pushteti tenton ta relativizojë, opozita ta përdorë, ndërsa publiku përgjithësisht të rreshtohet sipas bindjeve, jo parimit.

Pa një reflektim të sinqertë dhe pa një standard të njëjtë ndaj korrupsionit, çdo debat mbetet i cekët. Dhe kjo nuk është thjesht çështje morale, por me pasoja konkrete.

Kjo pengon ndërtimin e institucioneve funksionale dhe dëmton rrugën drejt integrimit europian, pikërisht në një moment kur procesi i zgjerimit kërkon më shumë besueshmëri, jo më shumë justifikime. /CNA





Lajmet e fundit nga