web counter
LEXO PA REKLAMA!

SHKARKO APP

App Store
Google Play

48 orë pas intervistimit/ Dorëzohet sot lista e kandidatëve të pikëzuar për kreun e Policisë së Shtetit

26 Mars 2026, 18:40, Aktualitet CNA

48 orë pas intervistimit/ Dorëzohet sot lista e kandidatëve

Këtë të enjte përmbyllet afati 48 orësh për kandidatët që garojnë për postin e Drejtorit të Përgjithshëm të Policisë së Shtetit, të cilëve tanimë pas intervistimit më datë 24 mars, janë pikëzuar në një renditje.

Sipas procedurës, dorëzimi i listës së kandidatëve kryhet 2 ditë pas përfundimit të fazës së intervistimit dhe i kalohet Ministrit të Brendshëm, pra afati mbaron këtë të enjte në mesnatë.

Kështu, Ministri i Brendshëm Besfort Lamallari pritet t’i përcjellë një emër Këshillit të Ministrave për emërim.

Në garë për drejtimin e institucionit më të lartë të rendit në vend janë gjithsej 14 kandidatë.

Dosjet e kandidatëve janë vlerësuar nga Komisioni në Ministrinë e Brendshme, ishte i përbërë nga zv/ministrja e Brendshme Silva Caka, sekretarja e Përgjithshme e Ministrisë së Brendshme, Kledia Ngjela dhe kreu i AMP-së Eduart Merkaj.

Kandidatët që garojnë janë: Afrim Tafa, Alfred Çepe, Arjanit Arap, Elidon Çela, Gentian Berberi, Gentjan Shehaj, Idajet Faskaj, Lorenc Panganika, Neritan Nallbati, Pëllumb Seferi,Rebani Jaupi, Saimir Boshnjaku,Skënder Hita dhe Tonin Vocaj.

Gara deri në përzgjedhjen e një kandidati që do të drejtojë Policinë e Shtetit vjen pas shkarkimit nga detyra të Ilir Prodës./CNA





Lajmet e fundit nga