web counter
LEXO PA REKLAMA!

SHKARKO APP

App Store
Google Play

E fundit!

x

“Butrinti”/ Deputetja e PD-së: Këshilli i Ministrave nuk respekton vendimin e Kushtetueses

4 Tetor 2023, 12:40, Aktualitet CNA
“Butrinti”/ Deputetja e PD-së: Këshilli i Ministrave nuk
Deputetja e PD-së, Ina Zhupa

Deputetja e PD-së, Ina Zhupa, ka treguar detaje nga seanca e radhës për koncesionin e Butrintit.

Në një deklaratë për mediat, Zhupa u shpreh se Gjykata Kushtetuese ka marrë një vendim i cili detyron Këshillin e Ministrave të sjellë dokumentacionin e komunikimeve zyrtare me UNESCO-n të bëra gjatë periudhës së vitit 2019-2023.

Sipas deputetes, Këshilli i Ministrave nuk respekton vendimet e Gjykatës Kushtetuese.

“4 vite nuk është sjellë asnjë dokumentacion. Ky është një mosrespektim i vendimit të Gjykatës Kushtetuese nga Këshilli i Ministrave. Kur ndodh kjo, është e kotë që të vazhdojmë një proces gjyqësor kur pritshmëria është që këta nuk do të zbatojnë as vendimin final”, tha deputetja.

Deputetja ka deklaruar se në bazë të kësaj kërkese u ka ardhur një letër e shkruar me shkrim dore, pa numër kontrolli, ku ishte shpjeguar arsyeja e mospasjes së komunikimeve.

Sipas Zhupës shkruhej se, duke qenë se punonjësja e cila kishte pasur komunikimet nga emaili i saj, është larguar nga puna duke sjellë kështu dhe zhdukjen e lidhjeve me UNESCO-n.

Për deputeten kjo është qesharake, sepse përveç se të gjitha komunikimet duhen ruajtur, nuk mund të bëhen nga email-e që nuk janë zyrtare.

“Në këtë aspekt unë mendoj që ne sot do të kërkojmë zbatimin e vendimit të Gjykatës Kushtetuese. Na ka ardhur një letër me shkrim dore pa numër protokolli që shkruan se komunikimet me UNESCO-n na kanë humbur për shkak se një punonjëse na ka ikur nga puna dhe email-i i saj është mbyllur. Kjo është tërësisht qesharake. Unë mendoj që për katër vite komunikimet nuk janë nga bërë nga një email jozyrtar. AKSHI ka kompetencë për t’i nxjerrë. Ministritë kanë kompetencë për t’i ruajtur si prova të mëtejshme. Nëse ti për një pasuri botërore si Butrinti i zhduk të gjitha komunikimet me UNESCO-n kush më garanton që kjo pasuri do të jetë e mbrojtur apo më keq të hiqet nga lista e pasurive të mbrojtura. Ky është qëndrimi ynë dhe karta jonë në Gjykatën Kushtetuese ashtu si do të kërkojmë më vonë një përfshirje të drejtpërdrejtë të UNESCO-s. Ne nuk tërhiqemi, do ta vazhdojmë këtë proces derri në fund. Edhe sot që po flasim, Butrinti është duke u dëmtuar ashtu si dhe historia e tij. Ka studiues atje të cilët janë duke tjetërsuar historinë”, tha ajo./ CNA





Lajmet e fundit nga