web counter
LEXO PA REKLAMA!

SHKARKO APP

App Store
Google Play

Balla, me “dorë të hekurt”/ Paralajmëron policët që kanë pasur akses në "Sky" dhe "Enchrochat"

4 Tetor 2023, 10:16, Aktualitet CNA
Balla, me “dorë të hekurt”/ Paralajmëron policët
Ministri i Brendshëm, Taulant Balla

Ministri i Brendshëm, Taulant Balla, ka bërë me dije se po bëhet vetëpastrimi i punonjësve të policisë.

Ministri ka paralajmëruar policët se kushdo që rezulton se ka pasur thjesht dhe vetëm akses në rrjetet "Sky" dhe "Enchrochat" do të përjashtohet nga radhët e policisë.

Gjtihashtu u shpreh se SPAK-u po kryen hetime dhe shumë shpejt do të ketë rezultate konkrete ku do të ketë të përfshirë dhe punonjës policie.

Ai nuk e mohoi faktin se ka punonjës policie që janë të përfshirë në aktivitetin kriminal dhe vetëpastrimi i policisë është shumë i rëndësishëm për ta kaluar atë në një nivel tjetër.

"Vetëpastrimi i policisë, vetëm në dy muaj kemi një numër të konsiderueshëm të punonjësve të policisë të arrestuar. Punonjësi i policisë kufitare të Durrësit kaloi një person që ishte në alarm të kuq për shkak të një aktiviteti kriminal, punonjësi është arrestuar.

Vetëpastrimi i policisë është shumë i rëndësishëm është pjesë e kalimit të policisë në një nivel më të lartë. Është e vërtetë që ka pasur dhe ka punonjës policie që rezultojnë të jenë të përfshirë dhe në kontakte me botën e krimit. I kam kërkuar drejtorit të policisë dhe AMP-së, të kemi informacion sa më shpejt të jetë e mundur.

Për çdo punonjës që rezulton se ka pasur akses në rrjetet e komunikimt 'Encrochat' dhe 'Sky' do përjashtohet nga policia edhe në rast se nuk do të ketë vepra kriminale, por vetëm nga fakti që ka hyrë në këtë rrjet.

Po zhvillohen hetime, shumë shpejt do të kemi rezultate konkrete ku do të ketë dhe punonjës të policisë që jo vetëm do vetëpastrohet policia, por dhe shoqëria", tha Balla./ CNA





Lajmet e fundit nga