web counter
LEXO PA REKLAMA!

SHKARKO APP

App Store
Google Play

E fundit!

x

Bashkim me Universitetin e Tiranës?/ Rektorati i “Fan S. Nolit”: Do ta shqyrtojmë

26 Qershor 2023, 15:40, Aktualitet CNA

Bashkim me Universitetin e Tiranës?/ Rektorati i “Fan S.

Rektorati i Universitetit “Fan S. Noli” në Korçë ka reaguar për lajmin se ky universtitet do të bashkohet me atë të Tiranës.

Rektorati deklaron se kjo nismë do të rishqyrtohet në mbledhjet e ardhshme të organeve vendimmarrëse të universitetit, të cilat do të dalin me një vendim përfundimtar.

Në deklaratë thuhet se Senati Akademik, Bordi i Administrimit, Rektori, Rektorati dhe Dekanatet e tij po vijojnë punën e tyre normale në të mirë të veprimtarisë akademike.

“Ashtu siç jeni vënë në dijeni këto 24 orët e fundit nga diskutimet që janë bërë publike në media dhe në rrjete sociale, Senati Akademik i UNIKO-s ndërmori një nismë për hartuar një strategji për kapërcimin e sfidave që e presin, nëpërmjet fillimit të procedurave dhe koordinimin e kritereve të bashkimit me Universitetin e Tiranës.

Pas një diskutimi më të gjerë në nivel njësie qendrore dhe njësie bazë, kjo nismë do të rishqyrtohet në mbledhjet e ardhshme të organeve vendimmarrëse të universitetit, të cilat do të dalin me një vendim përfundimtar.

Ndërkohë, Universiteti "Fan S. Noli" vijon të jetë një institucion i arsimit të lartë në funksion të plotë të të gjitha detyrave dhe rolit të tij. Senati Akademik, Bordi i Administrimit, Rektori, Rektorati dhe Dekanatet e tij vijojnë punën e tyre normale në të mirë të veprimtarisë akademike, si një institucion i arsimit të lartë që përmbush çdo pritshmëri dhe detyrim moral dhe akademik ndaj studentëve aktualë dhe atyre që do ta zgjedhin në vitet e ardhshme akademike”, thekson Rektorati i Universitetit të Korçës./ CNA.al





Lajmet e fundit nga