web counter
LEXO PA REKLAMA!

SHKARKO APP

App Store
Google Play

E fundit!

x

“Bashkë Fitojmë” kallëzon në SPAK Dallëndyshe Bicin/ “Po shpërndan legalizime në këmbim të votës”

13 Maj 2023, 17:12, Aktualitet CNA

“Bashkë Fitojmë” kallëzon në SPAK

Koalicioni “Bashkë Fitojmë” ka kallëzuar në SPAK drejtoreshën e Agjencisë Shtetërore të Kadastrës (ASHK), Dallëndyshe Bici.

Koalicioni “Bashkë Fitojmë” ka kallëzuar në SPAK Bicin, pasi sipas pretendimeve të tyre Bici po u shpërndante qytetarëve legalizime në këmbim të votave.  

Kjo ngjarje sipas tyre ka ndodhur në ditën e heshtjes zgjedhore.

“Partia Demokratike ka kallëzuar sot penalisht në SPAK, drejtoreshën e Agjencisë Shtetërore të Kadastrës (ASHK), Dallëndyshe Bici.

Nga pamjet e filmuara nëpërmjet mediave televizive, rezultoi se drejtoresha e ASHK në Tiranë përfshirë në një skandal, pikërisht një ditë para zgjedhjeve të 14 majit. Agjencia e drejtuar nga Dallëndyshe Bici po shpërndan për qytetarët legalizime në këmbim të votës.

Në godinën e ASHK janë regjistruar nga pamje filmike të gazetarëve, një pjesë e konsiderueshme e qytetarëve të hynin në mënyrë të fshehtë nga pjesa e pasme, garazhi.

Qytetarë të pyetur janë shprehur se kanë shkuar në institucionin në fjalë, pasi janë thirrur në telefon nga zyrtarët e institucionit.

Rikujtojmë se ngjarja e ndodhur përkon në ditën e heshtjes zgjedhore.

Partia Demokratike pas verifikimeve dhe rezultateve arriti në konkluzinin se veprimi i kryer më sipër është një vepër e pastër penale nga drejtuesit dhe punonjësit e institucionit.

Partia Demokratike i bën thirrje SPAK për regjistrimin dhe fillimin e një procedimi penal ndaj personave të kallëzuar, si dhe kryerjen e të gjitha veprimeve hetimore dhe sqarim sa më të saktë të rrethanave më sipër”, shkkruhet në deklaratë./CNA.al

 

“Bashkë Fitojmë” kallëzon në SPAK“Bashkë Fitojmë” kallëzon në SPAK“Bashkë Fitojmë” kallëzon në SPAK“Bashkë Fitojmë” kallëzon në SPAK“Bashkë Fitojmë” kallëzon në SPAK





Lajmet e fundit nga