E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

‘Bankers Petroleum’ e kapur në disa shkelje ligjore/ Prokuroria e Fierit gati t’ia kalojë dosjen SPAK-ut

2 Gusht 2025, 19:58, Aktualitet CNA

‘Bankers Petroleum’ e kapur në disa shkelje ligjore/ Prokuroria

Një raporti i hartuar nga Prokuroria e Fierit ka evidentuar shkelje të tjera të kryera nga kompania koncesionare 'Bankers Petroleum'. Shkeljet i referohen periudhës së koncesionit 20-vjeçar për naftën në Shqipëri.

Në raportin voluminoz javë evidentuar disa gjetje, që janë bërë shtysë për mundësinë e kalimit të dosjes në SPAK.

Në raport theksohet se nga verifikimi i kontrolleve tatimore dyshohet se ka përfituar në kundërshtim me ligjin nga kreditimi i TVSH-së për këto vite në vlerën 244 milionë lekësh.

Po ashtu, raporti nxjerr në pah një sërë shkeljesh të tjera ligjore me efekte fiskale dhe prova për shkelje të të ardhurave nga kompania.

“Nga verifikimi i kontrolleve tatimore të kryera për periudhën janar 2018 – dhjetor 2018 dhe periudhën janar 2019 – dhjetor 2019 në lidhje me rimbursimin e TVSH-së, ka rezultuar se shoqëria “Bankers” dyshohet se ka përfituar në kundërshtim me ligjin nga kreditimi i TVSH-së për këto vite në vlerën 244 milionë lekësh. Dyshohet se nga shoqëria janë kryer veprime të cilat përbëjnë shkelje ligjore me efekte fiskale, konkretisht: në aspektin tatimor, dyshohet se ka kryer rritje të pajustifikuara dhe fiktive të shpenzimeve duke rënduar kontabilitetin në shkelje të “Për tatimin mbi të ardhurat”. Veprime të cilat kanë çuar dhe janë përdorur nga ana e shoqërisë për të ulur në vlerën 5.1 miliardë lekë vit pas viti dhe për të hequr bazën e fitimit tatimor dhe shmangur detyrimin e tatimpaguesit për deklarimin dhe pagesën e Tatimit mbi Fitimin. “Veprimet aktive dyshohet se janë ndërmarrë me dashje dhe me qëllim mashtrimin e autoriteteve shtetërore për të përfituar padrejtësisht dhe në mënyrë të paligjshme. Në bazë të këtyre fakteve dhe provave të konstatuara dhe të vërtetuara nga institucionet e mësipërme dhe organet tatimore, rezulton se ekziston dyshimi i arsyeshëm i bazuar në prova për kryerjen e veprës penale ‘Fshehja e të ardhurave’, e kryer në bashkëpunim”,-theksohet në raport./CNA