web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha “drejton gishtin” nga Veliaj/ “Më paralajmëroi se do më arrestonin”

2 Dhjetor 2024, 21:50, Aktualitet CNA
Artan Hoxha “drejton gishtin” nga Veliaj/ “Më
Gazetari Artan Hoxha 

Gazetari Artan Hoxha ka mohuar sërish akuzat e ngritura ndaj tij në lidhje me dosjen e SPAK-ut për bandën e Suel Çelës.

Hoxha tha në MCN se ishte në dijeni se do të lëshohej masë sigurie ndaj tij.

Ai “drejtoi gishtin” nga kryebashkiaku i Tiranës, teksa theksoi se e ka paralajmëruar në media se do ta arrestonin.

“Pritej që të më arrestonin edhe mua vetë kështu ma kishin thënë. Isha në bulevard. I pari ka dalë ish-kryeministri Berisha që ka dhënë lajmin, arrestohet, e kuptueshme, kam bërë 30 vite luftë me zotin Berisha. Pastaj, media të qeverisë, pranë Bashkisë dhe pranë qeverisë, kanë menduar se do të më arrestonin. Isha në dijeni më parë, mbase për t’u tërhequr dhe larguar, më vunë në dijeni se do të arrestohesha.

Nuk jam pyetur fare. Komunikimi im i fundit me SPAK-un, është bërë në datën 3 tetor të këtij viti dhe kam qenë në SPAK dhe besoj se kjo i ka penguar. Erion Veliaj më ka paralajmëruar që në emisionin e datës 14 dhjetor 2023. Ka qenë i ftuar në një TV tjetër, ka thënë “gazetarë që njihen si me lidhje me krimin dhe që dalin në bisedat e SKY ECC”. Kam qenë këtu në emision dhe i kam kthyer përgjigje. Ishin mesazhe që po dilnin dalëngadalë. E kam thënë disa herë që po presin të më arrestojnë. Populli thotë, po gjuajte lart, lart të vjën goditja”, deklaroi gazetari./ CNA





Lajmet e fundit nga