web counter
LEXO PA REKLAMA!

SHKARKO APP

App Store
Google Play

10 medalje nderi dhe shpërblime financiare/ Rrumbullaku dhe Balla vlerësojnë efektivët për punën gjatë sezonit turistik

1 Nëntor 2023, 09:48, Aktualitet CNA
10 medalje nderi dhe shpërblime financiare/ Rrumbullaku dhe Balla
Taulant Balla dhe Muhamet Rrumbullaku

Drejtori i Përgjithshëm i Policisë së Shtetit, Muhamet Rrumbullaku, dhe ministri i Brendshëm, Taulant Balla, kanë vlerësuar punën e efektivëve të policisë gjatë sezonit turistik. 

Në ceremoninë ku u bë një analizë e punës së policisë u dhanë 10 Medalje Nderi, 21 Certifikata për Shërbime të Dalluara dhe 1311 shpërblime në vlerën e një page mujore për efektivët. 

 

"Puna e kryer vlerësohet, dhe ky vlerësim do të jetë motivim për ju. Duke ju shprehur mirënjohjen për punën tuaj, në menaxhimin e sezonit turistik, dhe dinamikës së përditshme të punës suaj, bazuar në vlerësimet dhe rezultatet konkrete të çdo punonjësi policie, ministri i Brendshëm dhe Drejtori i Përgjithshëm, kanë akorduar stimuj moralë dhe materialë, nga të cilat 10 Medalje Nderi, 21 Certifikata për Shërbime të Dalluara dhe 1311 shpërblime në vlerën e një page mujore. Këto vlerësime, do të ndikojnë në rritjen e motivimit të punonjësve të Policisë së Shtetit për rezultate në punën, jo vetëm në sezonin turistik, por në të gjithë gamën e veprimtarisë së Policisë së Shtetit", u shpreh Rrumbullaku./CNA





Lajmet e fundit nga