Shkelje të rregullave të qarkullimit/ Drejtuesit e mjeteve në skaner, 'ndëshkohen' me gjoba

17 Maj 2022, 12:02, Kronika CNA

Policia e Shtetit njofton se makina inteligjente në Shkodër ka skanuar shkeljet që janë bërë nga drejtuesit e mjeteve.

Si rezultat i përdorimit të makinës inteligjente dhe radarëve automatikë, janë pezulluar 63 leje drejtimi, për periudha nga 1 deri në 8 muaj, shoqëruar me masa administrative nga 10.000 deri në 20.000 lekë të rinj dhe heqje nga 8 deri në 13 pikë, nga leja e drejtimit.

Gjithashtu janë vendosur 112 masa administrative, nga 4000 deri në 6000 lekë të rinj, për shpejtësi mbi 20 km/h, mbi limitin e lejuar.

?Makina inteligjente dhe radari automatik, prej disa orësh në qarkun Shkodër.

Të skanuara, nga makina inteligjente, mjete që qarkullonin me shpejtësi:

-nga 100 km/h deri në 150 km/h, në aksin rrugor Shkodër ?Hani i Hotit;

-nga 80 km/h deri në 116 km/h, në Bushat, Shkodër

Si rezultat i përdorimit të makinës inteligjente dhe radarëve automatikë:

-janë pezulluar 63 leje drejtimi, për periudha nga 1 deri në 8 muaj, shoqëruar me masa administrative nga 10.000 deri në 20.000 lekë të rinj dhe heqje nga 8 deri në 13 pikë, nga leja e drejtimit.

-janë vendosur 112 masa administrative, nga 4000 deri në 6000 lekë të rinj, për shpejtësi mbi 20 km/h, mbi limitin e lejuar.

Në vijim të kontrolleve intensive qe Policia Rrugore ka nisur në të gjithë vendin, falë mjeteve logjistike bashkëkohore që tashmë ajo ka në përdorim, gjatë ditës së djeshme deri në orët e para të mëngjesit të sotëm, Njësia Operacionale e Policisë Rrugore, në bashkëpunim me Policinë Rrugore të DVP Shkodër, ka ushtruar kontrolle në qarkun Shkodër.

Makina inteligjente ka skanuar mjete që lëviznin me shpejtësi që arrinte deri në 150 km/h, në një aks rrugor që lejon qarkullimin me shpejtësi maksimale 80 km/h. Ky aks rrugor është cilësuar ?Njollë e zezë?, si pasojë e aksidenteve të ndodhura më parë, aty.

Radari automatik, i vendosur në Bushat, Shkodër, në një tjetër aks rrugor të cilësuar ?Njollë e zezë?, ka skanuar mjete që lëviznin me shpejtësi deri në 116 km/h, ku tabela lejon qarkullimin me shpejtësi maksimale 60 km/h.

Kontrollet intensive po vijojnë, me flotën e pajisjeve të reja të Policisë Rrugore dhe me radarët automatikë, në të gjithë vendin.

Makina inteligjente do të zhvendoset në një qark tjetër, gjatë ditës së sotme.

Policia e Shtetit apelon për të gjithë përdoruesit e rrugës që të zbatojnë me rigorozitet rregullat e qarkullimit rrugor, si dhe fton qytetarët që të denoncojnë në Komisariatin Dixhital dhe në numrin pa pagesë 112, çdo rast të shkeljeve të rregullave të qarkullimit rrugor?, thuhet në njoftim./ CNA.al