web counter
LEXO PA REKLAMA!

SHKARKO APP

App Store
Google Play

Sherri në Dibër dhe vrasja e të riut/ Gjykata e Apelit lë në qeli tre të arrestuarit

16 Maj 2022, 14:57, Kronika CNA

Gjykata e Apelit të Tiranës ka lënë në fuqi dënimin e Gjykatës së Dibrës për tre të arrestuarit, për ngjarjen e ndodhur në fshatin Sllatinë të Dibrës më 17 shtator të vitit 2019.

Vendimi është marrë nga trupi gjykues me Relatore Gjyqtare Valdete Hoxha dhe anëtarë Alma Ahmeti dhe Ilir Toska.

?Në përfundim të gjykimit, Gjykata e Apelit Tiranë, e përbërë nga trupi gjykues me Relatore Gjyqtare znj. Valdete Hoxha dhe anëtarë znj. Alma Ahmeti dhe z.Ilir Toska, me vendimin nr. 434, datë 16.05.2022 vendosi: -Lënien në fuqi të vendimit nr.131, datë 11.11.2020 të Gjykatës së Rrethit Gjyqësor Dibër?, thuhet në njoftimin zyrtar.

Kujtojmë se ngjarja ka ndodhur në ambientet e një lokali të fshatit, ku të rinjtë të cilët pasi kishin konsumuar alkool, Qazim Plaku ka plagosur me thikë Myrtezan Hysën.

Ky i fundit, bashkë me vëllanë e tij qëlluan me sende të forta vëllanë e 24-vjeçarit, Dukagjin Plaku, ku si pasojë e plagëve të marra ai humbi jetën në spital.

Ndërkohë, një vit pas ngjarjes, në shtator të vitit 2020 Gjykata e Dibrës vendosi dënimin me 18 vite burg për Myrteza Hysën, 3 vite burg për Qazim Plakun dhe dy vite burg për Jurgen Hysën.

Myrteza Hysa ka kërkuar prishje të vendimit të Gjykatës së Dibrës duke e çuar çështjen në Apel, por kjo e fundit ka vendosur të lërë në fuqi dënimin e tyre./CNA.al





Lajmet e fundit nga