‘Mashkull me thonj të lyer’/ Ronela Hajati, ‘mollë sherri’ mes Agim Doçit dhe Robert Aliajt

17 Maj 2022, 09:36, Lifestyle CNA

Performanca e këngëtares Ronela Hajati në “Eurovision” ka shkaktuar një debat mes Agim Doçit dhe Robert Aliajt.

Në emisionin “Të Paekspozuarit” ka pasur debate të forta mes Doçit dhe Aliajt pasi ky i fundit tha se e konsideron këngën dhe performancën “paçavure”.

Pjesë nga debati

Agim Doçi: Kënga ka 5 elementë. Gjebrea e ka vërtetuar që di të bëjë festival. “Këngën Magjike” se bën dot as ti, as unë. Kur quhet kënga paçavure, do t’i them ish-mikut tim Robert Aliaj, kur del ti më thonë çfarë është ai mashkull me thonj të lyer? Të vëmë pikën mbi “i”.

Robert Aliaj: Kam ndërhyrje.

Agim Doçi: Ty ta kam vënë nofkën unë, nihilist. Në studio nuk bisedoj, shpalos atë që kam përvojën. Si thotë ai paçavure?

(Agim Doçi çohet të ikë nga studioja, por kthehet sërish).

Robert Aliaj: Unë nuk dua të futem në nivel kaq të ulët personal. Dua të kujtoj që arti është detonator dialogu. Nuk merrem me këto budallallëqe dhe gjëra personale. Kjo është eksperiencë artistike, e cila krijon, bëhet detonator dialogu. Është mjet që mund të bëjë ndryshime, por nuk pretendon të bëjë ndryshime politike radikale. Arti është shumë më lart, është më i thellë. Nuk po merrem me këtë fare. Nëse thashë që ka njerëz përgjegjës dhe dikush ndihet përgjegjës, do të ishte më e virtytshme të merret përgjegjësi. Do të kisha virtytin ta thoja.

Aliaj tha se problemi qëndron tek organizatorët të cilët duhet të marrin përgjegjësi.

“Mua nuk më shokon performanca dhe niveli artistik i performancës, paraqitja shqiptare në të gjithë aspektet e veta. Shoh arsyet përse ndodhi kjo gjë. Është një ngjarje ndërkombëtare ku ne mund të përfaqësohemi.

Nga këto allishverishe, bakshishe, turqizma… Duhet ta bëjmë si vokacion dhe të na përfaqësojnë siç duhet. Nga koka e televizionit deri te punëtori i skenës.

Performanca ishte skandaloze, nuk është çështja vetëm vizuale. Çdo lloj komponenti muzikor nuk funksiononte fare. Aq sa thuhet në tekst aq edhe në peformancë. As ka konceptim, as ide thelbësore ku mbështetet performanca. Kishte një figurë skenografike dhe figura baleti. Ishte një paçavure totale, çoroditje totale.

As u kërcye, thjesht u panë disa figura velinash sesa balerinë. Ajo që sundoi dhe i vuri vulën ishte një performancë histerike. As melodi, as strukturë, as organizim, asgjë. Ishte vetëm dëshira për të shokuar, për të thënë ia arrita qëllimit sepse turma më pëlqeu.

Problemi i përgjegjshmërisë, kur një artist del dhe përfaqëson popullin? Tjetër gjë një skenë private dhe tjetër gjë kur përfaqëson kombin. Çështja e përgjegjshmërisë kurrë nuk është kuptuar. Ne nuk kthejmë në asnjë mënyrë asgjë mbrapsht.

Kuptohet, kjo ratatujë mbeturinash, teneqesh që dolën në skenë, u bë një zhurmë dhe kaq.

Edhe ishte paralajmëruar delegacioni shqiptar të mos bënte diçka të tillë dhe e bënë. Një veprim delirant, injorant, papërgjegjshmërie. Ka përgjegjësi ai që jep vendimin për t?u përfaqësuar me këto lloj nivelesh. E gjitha është te RTSH-ja, te boshti, te një strukturë tjetër, ku ka njerëz ekspertë që orientojnë edhe trendin, se si ne duhet të përfaqësohemi”, tha Aliaj./ CNA.al