web counter
LEXO PA REKLAMA!

SHKARKO APP

App Store
Google Play

Pas problemeve me drejtësinë/ Fjolla Morina përfundon në spital

14 Maj 2022, 15:41, Lifestyle CNA

Këngëtarja Fjolla Morina ka përfunduar së fundmi në spital.

Lajmin e ka bërë të ditur vetë këngëtarja me anë të një postimi në rrjetet sociale. Ajo ka publikuar pasditen e djeshme pamje nga spitali, ku shihet që vajza e saj i masazhon kokën, ndërkohë që vetë Fjolla është duke marrë një serum.

Këngëtarja nuk e ka treguar shkakun që e ka dërguar në spital, por pak orë më parë ka publikuar një foto nga makina, duke treguar kështu se tashmë është në gjendje të mirë shëndetësore.

Ndërkohë, kujtojmë se Fjolla Morina nuk i ka mbyllur ende problemet me drejtësinë. Rreth 10 ditë më parë ajo u shoqërua në komisariat, pasi ende nuk është shfuqizuar rrëzimi i urdhrit të Gjykatës për ekstradim.

Më 15 shtator të vitit të kaluar, Gjykata ka refuzuar kërkesën e Prokurorisë për ekstradimin e saj në Shqipëri, duke i ndërprerë edhe qëndrimin në qelinë e paraburgimit. Fjolla Morinës i ishte caktuar masa e paraburgimit prej 40 ditësh nga Gjykata Themelore në Prishtinë, kohë e përllogaritur që prej momentit kur Morina është arrestuar me 17 korrik 2021 në Prishtinë, pasi ishte e shpallur në kërkim ndërkombëtar nga Interpoli.

Mbi të rëndonte akuza për trafikim të armëve dhe municionit në Shqipëri. Morina u shpall në kërkim më 21 prill 2021, një muaj pasi gjykata e Kukësit e dënoi me 6 vite burgim për ?trafik të armëve dhe municionit?./ CNA.al

Arrestohet sërish Fjolla Morina





Lajmet e fundit nga