web counter
LEXO PA REKLAMA!

SHKARKO APP

App Store
Google Play

Rama nuk ndal propagandën/ Publikimi i pagave, në “Këshillimin Kombëtar”

16 Maj 2022, 09:17, Politikë CNA

Kryeministri Edi Rama sot gjatë fjalës së tij në një deklaratë për mediat, është ndalur te dalja në publik e pagave.

Rama publikisht pranoi se nën hundën e Qeverisë, qytetarët shqiptarë merrnin paga, të cilat nuk deklaroheshin të plota.

?Dalja e pagave në publik, kishte dhe një anë pozitive sepse i gjithë opinioni publik u ballafaqua me një realitet i cili pavarësisht rregullimeve në vite ishte pasqyrë e një deformimi të madh, për të cilin ne kemi qenë dhe jemi të vetëdijshëm.

Kemi një rritje të pagës mesatare në Republikën e Shqipërisë. Keni mbi 25% të të punësuarve që kanë kapërcyer nga niveli i pagës minimale, në një nivel më të lartë. Që kjo do të thotë se në fakt ata nuk merrnin pagën minimale të deklaruar, por më shumë, të gjithë. Ndërkohë, perceptimi negativ për shkak të këtyre deformimeve ishte prezent shumë më tepër sesa kishte lidhje me realitetin.?-tha Rama.

Më tej, ai hodhi idenë e publikimit të pagave një herë në vit dhe tha se kjo do të jetë pyetja e radhës në ?Këshillimin Kombëtar?.

?A mos është mirë që t?i pyesim shqiptarët që të paktën një herë në vit të bëjmë publike pagat e shqiptarëve.

Përmes transparencës kjo ushtron presionin pozitiv mbi të gjithë komunitetin e biznesit.

Ne shohim që impakti i gjithë kësaj ngjarjeje dhe komunikimi ynë me biznesin të cilit i kërkuam të rishikonin dhe korrektonin pagat, rezultoi shumë i suksesshëm në këtë fazë. 

Ideja që pagat të bëhen publike çdo vit, një herë në vit, është jetike. Për këtë ia vlen të konsultohet opinioni publik?.-tha Rama./CNA.al





Lajmet e fundit nga