web counter
LEXO PA REKLAMA!

SHKARKO APP

App Store
Google Play

Evazioni tatimor dhe mosdeklarimi i pagave/ Qeveria shtrëngon masat, sa do të jetë gjoba

16 Maj 2022, 09:35, Politikë CNA

Ministrja e Ekonomisë dhe Financave, Delina Ibrahimaj, ka paralajmëruar sot shtrëngim të masave ndëshkuese për të gjitha ato subjekte apo biznese që kapen në shkelje apo që bëjnë evazion tatimor.

Po ashtu ajo paralajmëroi ndëshkime edhe për bizneset që nuk deklarojnë pagat e plota të punonjësve.

?Nga data 1 qershor do të paraqesim ligjin e ri të tatimit mbi të ardhurat që do të targetojë profesionet e lira ato që sot individët çelin biznese ua shesin të tjerë bizneseve si shërbime duke eliminuar pagesën e taksave. Kjo nuk do të jetë më e mundur se ne baze të ligjit profesionet e lira do të paguajë tatimin.

Ne kemi marrë masa e kemi analizuar ku duhet të ndërhyjmë me përshkallëzimin e gjobave.

Më konkretisht do të bëjmë disa ndryshime në ligjin për procedurat tatimore e shkeljet, nëse më parë kishte rivlerësim apo gjobë të barabartë me 100% të totalit të rilverësimit tani do të shkojmë në 200%.

Do ta dyfishojmë masën për mosdeklarimin e punonjësve si dhe për fshehjen e pagës për bizneset e mëdha si dhe për mosdeklarimin e saktë të pagës nga punonjësit.

Sa i përket ligjit për inspektimin në punë s’do të jetë më mundësia për dhënien e një rekomandimi për një biznes po dhe aty do të kalojmë në penalitete.?-tha Ibrahimaj./CNA.al





Lajmet e fundit nga