web counter
LEXO PA REKLAMA!

SHKARKO APP

App Store
Google Play

Koncesion i ri/ Balluku: “Triporti i Vlorës do të transformohet”

11 Maj 2022, 12:51, Ekonomi CNA

Ministrja e Infrastrukturës dhe Energjisë, Belinda Balluku, ka njoftuar sot dhënien e një koncesioni të ri.

Pas mbledhjes së Qeverisë, Balluku ka folur për transformimin e Triportit të Vlorës.

Sipas saj, bëhet fjalë për një projekt të thënë prej kohësh.

?Miratimi i kontratës së koncesionit te partneriteti publik-privat, për projektin ?Ndërtimi dhe mirëmbajtja e Portit të integruar në Triportin Vlorë?. Ky është një projekt që e kemi thënë prej kohësh. Triporti do të jetë porti më i ri modern i ndërtuar në zonën e Vlorës.

Sot, ka vetëm shërbimet e peshkimit por në të ardhmen do të ketë të gjitha shërbimet komerciale, bazuar në kalatat e reja që do të ndërtohen atje. Sigurisht duke akomoduar dhe pjesën e peshkimit, por mbi të gjitha edhe mirëmbajtjen e anijeve. Një pjesë e munguar deri më sot, që shpesh peshkatarët duhet t?i drejtoheshin Italisë për ta bërë këtë.

Është një nga kontratat më të mira që ne kemi nënshkruar dhe do ta vëmë në zbatim menjëherë pas zbardhjes në fletoren zyrtare, pasi parashikohet që ky financim të fillojë të paguhet nga shteti shqiptar vetëm në momentin kur projekti do të ketë përfunduar së ndërtuari dhe në nisjen e parë të operimeve.

Nga të ardhurat që vetë porti do të krijojë, do të jetë momenti që do të fillojë të paguhet e gjithë shuma e këtij projekti. Deri atëherë Qeveria shqiptare nuk do të ketë asnjë detyrim financiar?, është shprehur Balluku./CNA.al

 





Lajmet e fundit nga