LEXO PA REKLAMA!

SHKARKO APP

Si mund të merret licenca për kriptovalutat?/Kreu i AMF-së: Aktualisht nuk ka asnjë aplikim

10 Maj 2022, 09:54, Ekonomi CNA
Si mund të merret licenca për kriptovalutat?/Kreu i AMF-së:

Kreu i Autoritetet të Mbikëqyrjes Fiananciare, Ervin Mete, gjatë raportimit në Komisionin e Ekonomisë, ka folur për licencat e kriptovalutave.

Sipas tij, deri tani nuk ka asnjë aplikim pranë AMF-së.

Pyetje: Është gati Autoriteti për t?i dhënë licencën?

Mete: Për agjentë po. Ligji parashikon përfshirjen e 4 institucioneve, AMF, AKSHI, Drejtoria e Parandalimit të Parave dhe BSH.

Ne bëjmë shqyrtimin nga ana financiare, AKSH bën anën e sigurisë dhe licencimit. Si fazë e parë duhet të miratohen agjentet, përmes tyre vjen aplikimi për bursa.

Termi agjent është një kompani apo subjekt. Duhet të bëjnë auditim dhe mbajnë përgjegjësi për aplikimin në raport me autoritetin. Këta janë ata të parët që bëjnë tregun. Këta të parët në treg mund të paraqesin aplikim.

Në këtë fushë nuk ka asnjë aplikim pranë autoritetit. Arkitektura e atij ligji është e tillë që së pari duhet të ngrihen agjentë të  teknologjisë së regjistrave të shpërndarë dhe pastaj licencat kryesore që jepen janë bursa të tri kategorive a, b, c për shkëmbim të kriptoaseteve deri në ato që mund të bëjnë këmbimin me para fzike. Nuk ka asnjë aplikim në këtë fushë./CNA.al

Lajmet e fundit nga