web counter
LEXO PA REKLAMA!

SHKARKO APP

App Store
Google Play

Fermerët hedhin kungujt në kanal/ Krifca i nxjerr gënjeshtar: Keni nevojë të orientoheni

5 Maj 2022, 17:23, Aktualitet CNA

Megjithëse serat janë në kulmin e prodhimit të perimeve, në fshatin Jagodinë të Elbasanit, kungujt hidhen në kanal.

Fermerët kanë kultivuar sipërfaqe të tëra me kunguj që aktualisht sipas tyre, në tregun e shumicës shitet për 10 lek kilogrami.

Kostoja e lartë e prodhimit si dhe mungesa e tregut po i çon në faliment, ndaj ata kanë kërkuar ndërhyrjen e ministrisë së bujqësisë.

Lidhur më këtë ka reraguar dhe ministrja e Bujqësisë, Frida Krifca në një dalje televizive.

Ajo tha se do të punojnë për të orientuar fermerët që të prodhojnë produket që kërkohen nga tregu. Ndërsa sa i përket hedhjes së kungujve në kanal, Krifca tha se në tregun e shumicës shitej me 30 lekë kilogrami, ndërsa fermerët thonin se shitej në tregun e shumicës me 10 lekë kilogrami.

“Ne kemi nevojë të orientojmë fermerët të prodhojnë produktet që kërkohen nga tregu. Kungulli është një nga produktet që kërkohet nga tregu. Pasi pamë kronikën verifikuam çfarë kishte ndodhur dhe çmimet që kanë qenë këto 2-3 ditët e fundit kanë qenë 30 lekë. Duhet pasur parasysh edhe sezonaliteti i prodhimeve dhe fakti që kemi pasur disa ditë pushime, mesa informacion mora, tregtarët mund të mos kenë tërhequr produktin ato 2 ditë, ndërkohë që sot më thonë që produkti është i tërhequr”, tha Krifca.

Krifca bëri thirrje që tregtarët që nuk tërheqin dot produktet të kontraktojnë Ministrinë e Bujqësisë ndërsa tregoi se po bëjnë gati një platformë për të vendosur çmimet ditore për produktet bujqësore, në mënyrë që të ketë transparencë ndaj fermerëve dhe tregtarëve.”/CNA.al

 





Lajmet e fundit nga