E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

Nga sekretari i PD-së, te vetëvrasja e të riut/ Grida Duma, show me krimin

5 Maj 2022, 09:28, Aktualitet CNA

Ku ka krime, ku ka dhunë shfaqet Grida Duma, deputetja e Partisë Demokratike.

Me një fytyrë serioze e sy të egërsuar, Duma del dhe flet si Prokurore e Përgjithshme apo Drejtore e Përgjithshme e Policisë.

Show-n e radhës me krimin, Duma e ka zhvilluar një natë më parë.

Mbrëmjen e kaluar Duma është shfaqur në Kavajë, në familjen e të riut që humbi jetën në burgun e këtij qyteti.

Duma, në krah të të atit të viktimës, ka kërkuar që Prokuroria e Kavajës të nisë menjëherë hetimet.

Më tej, ajo ka premtuar që do të bëjë transparencë dhe drejtësi.

?E di që ju jeni ne terr dhe erësirrë totale se çfarë ka ndodhur me djalin. Në institucionet ku supozohet se je i sigurtë, ndodh vetëvrasja. Ju keni të drejtë absolute që të kërkoni transparencë dhe qartësi kudo. Do ta kërkojmë në bashkë me ju.

Kërkojmë që Avokati i Popullit të vijë dhe të bëjë transparencë.

Prokuroria e Kavajës të nisë hetimet menjëherë nëse nuk i ka nisur.

Ne do të shtyjmë që të bëhet transparencë dhe të bëhet drejtësi. Do ta ndjekim deri në fund çështjen.

Ju nuk keni besim tek institucionet, por do ta bëjmë këtë që të kthehet në shembullin pozitiv dhe ta kuptojnë se askush nuk është i paprekshëm.

Ta ndjekim hap pas hapi sepse është rast tepër i rëndë?, është shprehur Duma.

Të njëjtën sjellje të deputetes e kemi parë edhe një vit më parë me 19 prill 2021.

Kujtojmë se pak ditë para se zhvilloheshin zgjedhjet e përgjithshme të 25 prillit, u plagos sekretari i PD-së për këtë qytet, Bledar Okshtuni.

Menjëherë pas kësaj ngjarjeje u shfaq Grida Duma, po me të njëjtën pamje, e ftohtë me sy seriozë, duke premtuar se do të bënte drejtësi.

Mes të tjerash Duma, në një intervistë tha se PD-ja nuk do ta lërë me kaq këtë çështje.

?Ne nuk do ta lëmë në heshtje, këtë ngjarje të rëndë të plagosjes së sekretarit të PD-së për Kavajën?, është shprehur Duma.

Pas asaj nate Duma nuk është shprehur e nuk është dëgjuar më për këtë çështje.

Doli disa herë të tjera duke folur për banda dhe pazare, po për ngjarjen që do të bënte drejtësi nuk tha më asnjë fjalë.

Derisa një natë më parë u shfaq po në Kavajë, po, por për një ngjarje kriminale edhe më të rëndë këtë radhë, duke premtuar transparencë dhe drejtësi.

Grida Duma vijon show-n me krimin, nga viti në vit, ndërkohë që do të ishte mirë të zbardhte ngjarjen për të cilën është përfolur më herët.

Bëhet fjalë për ngjarjen e Artan Santos, e cila ende nuk është zbardhur në tërësi.

Në media është raportuar se SPAK-u ka rihapur dosjen për vrasjen e Artan Santos.

Ndoshta Duma do të flasë në SPAK, por gjithsesi, para se t’i premtojë drejtësisë për çështje të tjera, ajo duhet të flasë dhe mos të lërë në errësirë, dhe në pikëpyetje fijet që e lidhnin atë me Artan Santon, pse shkoi të dorëzohej dhe se çfarë di ajo për këtë rast./ CNA.al

Kur do flasë Grida Duma/ 7 vjet pas vrasjes së Artan Santos, enigmat e politikanes së Bashës