web counter
LEXO PA REKLAMA!

SHKARKO APP

App Store
Google Play

“Kjo situatë duhet të marrë fund”/ Meta: 1 Maji nuk është 1 ditë feste

1 Maj 2022, 11:09, Aktualitet CNA

Presidenti Ilir Meta, përmes një postimi në rrjetet sociale, shkruan se 1 Maji nuk është një ditë feste por një ditë reflektimi për të gjitha kushtet e punës në Shqipëri.

Presidenti thekson se puna jo e mirëpaguar, pa kontratë, pa kontribute pensioni, pa sigurim shoqëror dhe të drejtë pushimi me pagesë, e zhvesh punëtorin nga dinjiteti dhe e vendos në një marrëdhënie shfrytëzimi, ndërsa nënvizon se kjo situatë duhet të marrë fund.

?1 Maji nuk mund të jetë thjeshtë një ditë feste, por një ditë reflektimi për të gjitha ditët dhe kushtet e punës në Shqipëri.

Puna jo e mirëpaguar, pa kontratë të rregullt dhe kontribute pensioni, pa sigurim shëndetësor dhe të drejta për pushim me pagesë e zhvesh punëtorin nga dinjiteti dhe e vendos në një marrëdhënie shfrytëzimi.

Kjo situatë duhet të marrë fund!

Pasojat e rënda dhe afatgjata të pandemisë dhe luftës në Ukrainë, në veçanti rritja abuzive e çmimeve, e shtrojnë më me forcë këtë domosdoshmëri, në veçanti për rritjen e pagës minimale, garantimin e kushteve në vendin e punës dhe të çdo të drejte që siguron mirëqenie dhe drejtësi sociale.

Të dëgjojmë me përulësi zërin e punëtorëve!?shkruan Meta./ CNA.al





Lajmet e fundit nga