E fundit!

13:22 Kronika

Vrasja dhe plagosja në Durrës e Kavajë/ Në pranga dy autorët

Dy persona, të dyshuar si autorë të një vrasje dhe një pla...

Ivi Kaso thirrje demokratëve/ “Askush nuk është i tepërt, në këtë aksion duhet të kapërcejmë vetëveten”

30 Prill 2022, 14:45, Aktualitet CNA

Përfaqësuesi ligjor i Komisionit të Rithemelimit, Ivi Kaso, gjatë fjalës së tij në Kuvendin Kombëtar të PD u shpreh se opozitarët e bashkuar janë e vetmja shpresë për të mundur të keqen e madhe që ka zaptuar vendin.

Fjalimi i plotë:

Ju jeni zgjedhur nga vota e anëtarëve që ti përfaqësoni ata në vendimmarrjet e Kuvendit. Ju kryetarë të degëve, jeni zgjedhur nga vota e anëtarëve që t?i drejtoni demokratët. Më shumë se mbi secilin nga ne këtu, tek ju rëndon drejtpërdrejtë pesha e votës dhe besimit të demokratëve. Ky besim është sigurisht që t?i përfaqësoni, që t?i drejtoni, por para së gjithash ta bashkoni partinë, ta hapni ta bëni të madhe.

Nuk duhet të harrojmë që në këtë Kuvend që kurorëzon aksionin politik më të thellë rigjenerues që kjo parti ka pasur ndonjëherë, ne kemi kaluar nëpërmjet një përplasje të dhimshme. Një përplasje me qëndrime ndonjëherë diametralisht të kundërta. Një përplasje që ka lënë gjurmën tek secili prej nesh. Një përplasje që ndau, dhe vuri në diskutim besimin e ndërsjelltë mes demokratëve.

Ndaj mbi të gjithë ne, por më drejtpërdrejtë mbi delegatët dhe drejtuesit e degëve bie përgjegjësia e bashkimit. Bie përgjegjësia e mjekimit të plagëve. Bie përgjegjësia e hapjes. Ne duhet të ftojmë të bashkohet çdo demokrat. Asnjë opozitë nuk ka luksin të shoh si të tepërt, si të panevojshëm qoftë edhe një anëtar të vetin. Pavarësisht qëndrimeve, vendimeve, zgjedhjeve që kanë bërë.

Ne duhet të ftojmë këdo, edhe ata që kanë qendruar larg. Edhe ata që nuk kanë besim. Edhe pse i kemi pasur përballe.

Askush nuk është i tepërt. Askush nuk është i padobishëm.

Në këtë aksion bashkimi, hapje dhe forcimi duhet të kapërcejmë veten. Dhe puna e juaj, dhe puna e drejtuesve të degëve, të grupseksioneve, të seksioneve është përcaktuese.

Nuk duhet të jetë pengues asnjë qëndrim i djeshëm, asnjë qëndrim i sotëm apo i nesërm. Filtri i vetëm që duhet të kemi për bashkimin e domosdoshëm është gadishmëria për të bërë opozitë. Gadishmëria për të bërë opozitë është ajo që na dallon nga ata që heshtin apo bashkëpunojnë me kundërshtarin.

Sepse opozitaret e bashkuar jane e vetmja shprese per te mundur te keqen e madhe qe ka zaptuar vendin. Cdo sjellje e cdo qendrim opozitar qe perballet me te keqen, kushdo qe denoncon korrupsionin qeveritar, cdo njeri qe proteston e ben opozite, cilido qe perballet me kurajo meriton te degjohet e respektohet ne familjen tone te madhe.

Mes opozitarëve, mes demokratëve nuk duhet të ndahemi pse mendojmë ndryshe, pse preferojmë rrugë të ndryshme. Dallimet na zmadhojnë e na forcojnë.

Jo vetëm nga kjo traumë e vitit të fundit, por nga shumë dallime dhe mospajtime kemi humbur njerëz me investim të madh politik dhe publik. Askush nuk duhet të ndjehet i parespektuar, i pavlerësuar. Nëse kjo ndodh faji ka për të qenë vetëm yni.

Ndaj te nderuar delegatë, kryetarë dhe drejtues. Të respektojmë me ndershmëri çdo investim, çdo kontribut, çdo individualitet, çdo demokrat.

Kjo sjell bashkimin. Bashkimi sjell forcen dhe kjo sjell fitoren.