web counter
LEXO PA REKLAMA!

SHKARKO APP

App Store
Google Play

36 vite nga katastrofa e Çernobilit/ Ambasada gjermane: Stop dhunës pranë objekteve bërthamore

26 Prill 2022, 10:20, Aktualitet CNA

Ambasada gjermane në Tiranë ka kujtuar sot katastrofën bërthamore të Çernobilit që ndodhi 36 vite më parë.

Duke marë shkas nga kjo, Ambasada gjermane shpreh shqetësim për sigurinë e objekteve bërthamore të Ukrainës në vazhdën e luftës brutale të Rusisë kundër Ukrainës.

Ambasada bën thirrje për t’i dhënë fund dhunës mbi ose pranë objekteve bërthamore të Ukrainës.

?36 vjet më parë, më 26 prill 1986, ndodhi katastrofa bërthamore e Çernobilit. Aksidenti më i rëndë në botë në një central bërthamor. Mijëra njerëz humbën jetën nga efektet afatgjata të rrezatimit apo vazhdojnë të vuajnë nga sëmundje të rënda si kanceri i tiroides dhe leucemia. Qyteza të tëra u evakuan dhe u kthyen në qyteza fantazmë. Sot njerëzit në Ukrainë dhe në mbarë botën përkujtojnë këtë ditë dhe pasojat e saj të tmerrshme.

Në të njëjtën kohë, komuniteti botëror është thellësisht i shqetësuar për sigurinë e objekteve bërthamore të Ukrainës në vazhdën e luftës brutale të Rusisë kundër Ukrainës. Së bashku me partnerët tanë të G7-ës, ne bëjmë thirrje për t’i dhënë fund dhunës mbi ose pranë objekteve bërthamore të Ukrainës. Deri më tani, Ministria e Jashtme Federale ka vënë në dispozicion 22 milionë euro për sigurinë e centraleve bërthamore në Ukrainë?, thuhet në deklaratë./ CNA.al





Lajmet e fundit nga