web counter
LEXO PA REKLAMA!

SHKARKO APP

App Store
Google Play

E fundit!

x

SPAK “godet” sërish Alqi Bllakon/ Ish deputeti socialist, rrezikon të mbetet pa pasuri

25 Prill 2022, 10:19, Aktualitet CNA

Pasuria e ish deputetit socialist Alqi Bllako do të kalohet nën filtër nga SPAK-u, të cilët raportohet se kanë nisur një hetim pasuror.

SPAK ka konfirmuar më herët se ka sekuestruar apartamentin në pronësi të babait të Bllakos dhe tashmë po kryen verifikime dhe për pasurinë e ish deputetit.

Në bankat e nivelit të dytë mësohet se janë kërkuar informacione rreth llogarive të Bllakos.

Gjithashtu me anë të isntitucioneve kompetente janë kërkuar informacione për patundshmëritë e ish deputetit dhe familjarëve të tij.

Ish-deputeti socialist, Alqi Bllako akuzohet për korrupsion dhe shpërdorim detyre pasi sipas SPAK ka falsifikuar dokumente shpronësimi për një tokë që nga arë ishte kthyer në truall dhe dokumentet e falsifikuara i janë paraqitur Këshillit të Ministrave, tokë mbi të cilën do ndërtohej inceneratori i Fierit. Kjo shkelje, thotë Prokuroria e Posaçme, është bërë në bashkëpunim me ish-ministrin e Mjedisit Lefter Koka dhe kryetarin e shpronësime, Pëllumb Abeshi.

Në dëshminë që ka dhënë më herët në SPAK, Bllako ka deklaruar nuk ka pasur asnjë rol vendimmarrës, teksa shtoi se thjesht ka përcjellë shkresën te Këshilli i Ministrave./CNA.al





Lajmet e fundit nga