web counter
LEXO PA REKLAMA!

SHKARKO APP

App Store
Google Play

Balluku zbulon planet e menaxhimit/ Si paraqitet situata në kaskadë

23 Prill 2022, 17:06, Aktualitet CNA

Ministrja e Infrastrukturës dhe e Energjetikës, Belinda Balluku, ka folur për menaxhimin e situatës energjetike në vend.

Balluku tha se synimi i qeverisë është të maksimalizojë liqenin e Fierzës dhe që rezerva energjetike në Maj-Qershor të arrijë 292 metra.

Ajo deklaroi në emisionin ?Kjo Javë? se aktualisht niveli në kaskadë ka shkuar deri në 279 metra.

?Kemi pasur një mirëmenaxhim që do kthehet në model. Sigurisht çfarë është e rëndësishme është që ne kërkojmë të maksimalizojmë liqenin e Fierzës dhe prej një muaji po punohet me agregatët e Vaut të Dejës dhe Komanit.

Vetëm sot që flasim kemi arritur në 279, synimi jonë ka qenë të arrinim në 280 deri në datën 25. Synimi ynë është që rezerva energjetike në Maj-Qershor të arrij 292 metra që do na sigurojnë gjithë energjinë e nevojshme gjatë verës dhe më pas duke e mirëmenaxhuar kaskadën, do të na bëjnë që  në vjeshtën e 2022, të kemi kapacitet të siguruar, që importet të jenë në sasi të pakta. Kemi bërë një projekt për t?i dalë para çdo gjëje, duhet të kemi parasysh që situata është dinamike pavarësisht masave tona, ndaj insitojmë në rezervën energjitike lokale?, u shpreh Balluku./ CNA.al





Lajmet e fundit nga