E fundit!

08:49 Aktualitet

25 ditë protesta/ Rama mbledh drejtuesit politikë në qarqe dhe kryebashkiakët

Kryeministri Edi Rama, do të zhvillojë sot dy takime të rë...

Valdrin Pjetri rikthehet si ekspert i trajtimit të pronave/ Si zgjidhet mbivendosja e pasurive

25 Prill 2022, 07:56, Politikë CNA

Valdrin Pjetri, i cili dha dorëheqjen si kryebashkiak i Shkodrës, ende pa bërë betimin, është rikthyer në sistem dhe punon si ekspert i trajtimit të pronave.

Ai ka folur për ndryshimin rrënjësor që ka pësuar Kadastra dhe bashkimin e dy institucioneve në një, ALUIZNI-t dhe Hipotekave.

?Bashkimi i institucioneve është diçka që duhet bërë, pasi dy institucionet e mëhershme, duhet të bënin dy kërkesa, një herë të ALUIZNI, e pastaj tek Hipoteka.

Sot ata kanë një derë të vetme, që është ASHK?-tha Pjetri.

Sa i takon krijimit të e-albania, ai e cilësoi si gjënë e duhur.

Pjetri vlerësoi punën e portalit ?e-Albania?, për dixhitalizimin e shërbimeve dhe lehtësimin e ndërveprimit mes qytetarëve dhe institucioneve shtetërore.

?Me krijimin e e-albania, qytetari nuk ka më nevojë të shkojë në zyrat e ASHK, por mjafton të aplikojë në e-albania, dhe aty lë gjurmë. Dokumenti që aplikon qytetari skanohet dhe lë gjurmë në databasen e ASHK dhe pastaj ky shërbim që ka kërkuar qytetari asdresohet punonjësit të ASHK-së, përpunohet dokumentacioni dhe përgjigja i vjen qytetarit ose në e-albania, ose nëpërmjet noterit të tij.

E-Albania lehtëson shumë ndërveprimin mes qytetarit dhe institucionit. Secili nga ne sot ka aplikacionin dhe kartelat e pasurise, apo certifikatën e pronësisë e ka në celular. Ky dokument e ka një vulë, një firmë elektronike.

Kjo i jep asaj vlefshmërinë juridike. Është bërë një punë shumë e mirë?-deklaroi Valdrin Pjetri.

Ai ka folur dhe për pronat në bregdetin e jugut, për të cilat ka thënë se tashmë prej një viti Agjencia Shtetërore e Kadastrës ka nisur një punë të madhe, për regjistrimin e zonës.

“Jugu dhe disa zona të tjera të vendit nuk kanë akoma një regjistrim fillestar”, u shpreh Pjetri.

?Bregu i Shqipërisë, zona e jugut, nga Vlora në Sarandë ka pasur tepër interes për t?u zhvilluar. Kur një kompani vjen për të investuar, gjënë e parë që duhet të pajiset është dokumentacioni për pronën të cilën ajo blen apo merr me qira. Bregu dhe disa zona të tjera të Shqipërisë nuk e kanë akoma regjistrimin fillestar.

Nga ASHK-ja është filluar prej një viti një punë e madhe, për regjistrimin e zonës?, shtoi ai.

Në një intervistë për ?MCN TV?, si ekspert i trajtimit të pronave Valdrin Pjetri tregoi si mund të zgjidhet problemi i mbivendosjes së pasurive. Sipas tij, Shqipëria ka një problematikë të mbartur me hartat e vjetra dhe hedhjen e disa titujve të pronësisë në të njëjtën parcelë.

?Duke patur një problematikë me harta të vjetra dhe hedhjen e disa titujve në të njëjtën parcelë, këtu krijohet mbivendosja.

Zonat të ndara në zona kadastrale që kanë dhe probleme hartografike. Zgjidhja e problemtit të mbivendosjes shkon paralel me regjistrimin fillestar.

Kur të bëhet regjistrimi fillestar do dali në pah se ku janë mbivendosjet. Në këtë moment zyrtari i Kadastrës e konstaton, vendos kufizim dhe njofton palët.

Kemi zgjidhje të tipit bilateral kur të dy palët bien dakord me një deklaratë noteriale dhe e zgjidhin. Pastaj është Gjykata, organi final që zgjidh mbivendosjen. Por paralel punohet dhe me procedurën përmirësim/përditësimit, një traditë që bëhet prej vitesh në ASHK, pra sistemon kufijtë?, sqaroi Valdrin Pjetri./CNA.al