web counter
LEXO PA REKLAMA!

SHKARKO APP

App Store
Google Play

E fundit!

x

“Në 8 vitet e fundit ka pasur komandime”/ Hajdarmataj: Zgjedhjet në degë perfekte

24 Prill 2022, 16:34, Politikë CNA

Anëtarja e Komisionit të Rithemelimit të PD Mimoza Hajdarmataj, ka folur për procesin e zgjedhjeve të kryetarëve të degëve të PD.

Hajdarmataj u ndal te problemet me listat e anëtarëve, për të cilat deklaroi se kanë qenë të herëpashershme në 8 vitet e fundit. Ajo madje u shpreh deri më tani nuk ka pasur zgjedhje të sakta, por gati gati komandime.

Hajdarmataj tha në MCN Tv se përveç incidentit në sotëm në Bulqizë, proceset zgjedhore që po zhvillohen ditët e fundit në degët e tjera të PD kanë qenë perfekte.

“Problemet me listat kanë qenë të herëpashershme në 8 vitet e fundit. Asnjëherë s?kemi pasur databazë të saktë. Kemi pasur gati gati komandime, me kryetarë të dërguar, duke tjetërsuar listat. Nga Kuvendi i 11 dhjetorit, pasuar me referendumit, në gjithë porositë e dalë nga Komisioni i Rithemelimit, duke e ditur problemin që kemi trashëguar, është udhëzuar që votojnë gjithë demokratët që kanë dokument anëtarësie që nga viti 90 e deri tani.

Rasti i Bulqizës është që s?e ka gjetur emrin. Rastet kur janë shtuar anëtarët, janë shtuar demokratët që s?e gjetën veten në lista, në të gjithë listat e vjetra. Janë shtuar ata që kanë votuar në referendumin e 18 dhjetorit. Dje kam qenë në degën 2 dhe 4 në Tiranë dhe ka qenë një proces perfekt. Aty ka problem do shoshitet, asnjë demokrat të mos mbetet pa votuar?, theksoi anëtarja e Komisionit të Rithemelimit të PD./ CNA.al





Lajmet e fundit nga