LEXO PA REKLAMA!

SHKARKO APP

E fundit!

x

Çmimi i karburantit/ Vasili “i kërkon llogari” Ramës

24 Prill 2022, 14:22, Politikë CNA
Çmimi i karburantit/ Vasili “i kërkon llogari”

Ish-ministri i Shëndetësisë Petrit Vasili, ka hedhur akuza mbi qeverinë, teksa ka reaguar për çmimin e karburantit.

Vasili krahason çmimin e naftës në Maqedoninë e Veriut me atë të Shqipërisë, ndërsa thotë se vetë ai ia ka dhënë një zgjidhje qeverisë për situatën që në 9 mars.

Nënkryetari i LS-së deklaron se qeveria nuk e merr në shqyrtim projekt-ligjin për heqjen e taksës së qarkullimit dhe të karbonit për të bërë uljen e çmimit të naftës.

Vasili pretendon se Rama po tenton ta heqë vëmendjen nga çmimi i karburantit duke u kapur pas zgjedhjes së Presidentit.

?Këmbanat e vjedhjes me çmimin e naftës nuk i mbulojnë dot teneqet për zgjedhjen e Presidentit!

Çmimi i naftës është 232 lekë litri sipas vendimit më të fundit të Bordit të batakçinjve Ramë – Oligarkët.

Në Maqedoni çmimi i naftës është vetëm 160 lekë ose 81.5 denarë litri!

Pra Maqedonia e ka çmimin 33% më lirë se Shqipëria!

Maqedonia ka një ekonomi e popullsi më të vogël dhe as nuk nxjerr naftë si Shqipëria dhe as ka det e porte, por ka qeveri të përgjegjshme dhe jo një grup batakcinjsh çirakë të mafies dhe oligarkëve si rilindja dhe Rama në Shqipëri

Kam paraqitur që në 9 mars një projekt-ligj për heqjen e taksës së qarkullimit dhe të karbonit për bërë uljen e çmimit të naftës.

Nuk e shqyrtojnë në Parlament për qamet Rama dhe rilindasit se duan të vazhdojnë të vjedhin me karburantet.

Bëjnë sikur i bien teneqes së zgjedhjes së Presidentit, kur e di dhe shqiptari më i fundit që kanë votat dhe do vënë rripin e pantallonave të Ramës në presidencë.

Këmbanat e vjedhjes nuk i mbulojnë dot teneqet e zgjedhjes së Presidentit?, shkruan ai në rrjetet sociale./ CNA.al

Lajmet e fundit nga