web counter
LEXO PA REKLAMA!

SHKARKO APP

App Store
Google Play

Zgjedhjet në Francë/ Fuga sulmon analistët që mbrojtën Le Pen

24 Prill 2022, 20:02, Politikë CNA

Akademiku Artan Fuga, ka bërë një analizë se përse një fitore e Marine Le Pen në zgjedhjet presidenciale të Francës nuk do të ishte e mirë për shqiptarët.

Fuga sulmon analistët që ishin pro politikës së Le Pen, teksa deklaron se nëse Emmanuel Macron nuk do të fitonte zgjedhjet, Shqipëria dhe Kosova do ta humbnin busullën.

Sipas tij, Le Pen do ta çonte përfundimisht në kosh ëndrrën e shqiptarëve për t’u integruar në Bashkimin Evropian dhe do ta izolonte përfundimisht Shqipërinë.

?Disa opinionistë qesharakë, disa aventurierë politikë që dalin ekraneve, madje edhe individë të korruptuar antishqiptarë prisnin me ëndrra më syhapur që Marine Le Pen të fitonte mbi Macron në Francë në garën për President.

Nuk i hante fare qederi për çka ndodhte atje!

Synimi i qartë! Një fitore e Le Pen do ta çonte përfundimisht në kosh ëndrrën e shqiptarëve për t’u integruar në Bashkimin Evropian, atje ku kanë vrapuar qindra mijëra shqiptarë.

Do ta izolonte përfundimisht Shqipërinë duke ua hedhur si kockë qensh lloj lloj ekstremistëve!

Kosova edhe ajo do ta humbte busullën nga një zhbërje e BE.

Po ashtu do t’i jepte një goditje vdekjeprurëse Bashkimit Evropian, duke e futur Evropën në kaos!

Më mirë Timurlëngu, Cinghiz Kani, Tirani i Madhërishëm, thonë sesa Evropa!

Poshtë Evropa – thërrasin zemrat e tyre !

Cdo gjë pret nga ata!

Cdo gjë!?, shkruan akademiku në rrjetet sociale./ CNA.al





Lajmet e fundit nga