web counter
LEXO PA REKLAMA!

SHKARKO APP

App Store
Google Play

U zgjodh kryetar i PD Durrës/ Igli Cara falenderon demokratët

24 Prill 2022, 19:29, Politikë CNA

Demokratët e Durrësit zgjodhën me votë ditën e djeshme si kryetar të degës së tyre Igli Carën.

Për fitoren e postit të kryetarit ka reaguar pak më parë vetë Cara, i cili thotë se së bashku me dy kandidatët e tjerë Ardian Muka dhe Osman Stafa zhvilluan një fushatë qytetare e demokratike.

Demokrati falenderon të gjithë anëtarët e PD që i besuan votën, ndërsa bën thirrje se ringritja vjen përmes bashkimit e besimit dhe rikthimit në vlerat më të mira.

?Të dashur miq,

Ne, demokratët durrsakë, dje zhvilluam proçesin e votimit, me parimin, një anëtar, një votë, për kreun e  Partisë Demokratikë të Durrësit.

Së bashku me kolegët Ardian Muka e Osman Stafa zhvilluam një fushatë qytetare e demokratike, në respekt të parimeve tona  dhe të përkrahësve tanë, sepse ky proçes nuk ka humbës e fitues, por një të përzgjedhur.

Falenderimi dhe mirënjohja ime shkon për demokratët e Durrësit, të cilët me pjesëmarrjen e tyre dhanë mesazhin e shpresës dhe të forcës mes nesh, miq e bashkëpunëtorë të rinj e të hershëm, të cilët besojnë në kontributin tim dhe që më kanë mbështetur në të gjithë rrugëtimin politik.

Përzgjedhja është një përgjegjësi e madhe politike dhe qytetare, sepse qytetarët dhe demokratët kërkojnë që PD të jetë alternativë fituese. Ringritja mes nesh vjen përmes bashkimit e besimit, rikthimit në vlerat tona më të mira dhe shpresës që me ndihmën e Zotit do ja dalim!

Ju faleminderit të gjithëve!?, shkruan Cara./ CNA.al

Dega Durrës mbyll zgjedhjet/ PD shpall kryetarin





Lajmet e fundit nga