web counter
LEXO PA REKLAMA!

SHKARKO APP

App Store
Google Play

E fundit!

x

Niko Peleshi ndërhyn në garën e PD-së/ "Votoni Devis Osmanin"

24 Prill 2022, 17:02, Politikë CNA

Niko Peleshi, ministri socialist i Rilindjes, tashmë qartazi është një nga personazhet politike që del hapur dhe ndërhyn në garën e kundërshtarëve politik.

Pas raportimit të CNA.al pa ditë më parë se Niko Peleshi kërkonte që në krye të PD-së të zgjidhej Devis Osmani apo Ledina Aliolli, tashmë gjithçka ka dalë hapur.

Pas takimit të Niko Peleshit me Devis Osmanin, një nga kandidatët për kryetar të PD-së, tashmë kanë dalë dhe të dhëna të reja.

Ministri socialist që është dhe drejtuesi politik i PS-së në qarkun e Korçës, kërkon Devis Osmanin në krye të kësaj partie pasi ai është ish sekretari i ortakut të tij, Andrea Mano.

Devis Osmani ish sekretar i degës , një nga mbështetësit kryesorë të Andrea Manos, ortakut dhe mikut të Niko Peleshit.

Ky i fundit së bashku me kryebashkiakun Sotiraq Filo i kanë dhënë një biznes, një aktivitet, ish kreut të PD në Korçë.

Osmani gjithashtu ka mbështetjen e socialistëve edhe në mënyra të tjera, është kunati i kryetarit të Partisë Socialiste për Korçën.

Osmani po mbështetet në një mënyrë direkte nga socialistët.

Mësohet se punonjës të ndryshëm të cilët dihet se janë anëtarë të PD, apo se do të marrin pjesë në procesin e votimit, janë thirrur në Bashkinë e Korçës apo institucionet ku punojnë nga drejtuesit e tyre pas urdhërit politik të Niko Peleshit që të shkojë  neser, të marrin pjesë në votimin e degës së PD-së Korçës dhe të votojnë për Devis Osmanin.

Niko Peleshi tashmë është duke luajtur skemën e tij, në krye të degës së Korçës kërkon të vendosë ose Ledina Aliollin ose Devis Osmanin, këtë të fundit po e mbështet edhe me vota, pro dhe në rast se fiton Aliolli, ai fitoren e ka në xhep, për faktin se Ledina Aliolli është një kandidaturë e dobët, e paaftë, një humbëse kronike se bashku me Osmanin se dhe ky ka qenë sekretar i kësaj dege, humbës jo më i pakët, por tashmë duke luajtur me skemën e një urdhëri të qartë politik, pra duke thirrur njerëzit për të shkuar për të votuar nëpërmjet njerëzve të tyre, por edhe duke i kërcënuar deri në largime nga puna apo të të afërmve të tyre në rast se nuk shkojnë nesër të votojnë Devis Osmanin.

Qartazi Rilindja po futet në zgjedhjet e PD-së në Korçë, thjeshtë dhe vetëm për ta kapur atë, për ta mbajtur peng ashtu siç e ka pasur për një kohë të gjatë duke e keqpërdorur dhe duke bërë që Korça të jetë e gjitha nën kontrollin e Rilindjes dhe socialistëve, të cilët për herë të tretë radhazi fituan zgjedhjet parlamentare, pa dhënë argumenta më tej se shumë afër, pra për gati një vit, do të jenë edhe zgjedhjet lokale, ku pritet të ketë një garë në Korçë.

Dhe një degë e demokratëve e dobët, e drejtuar nga Osmani apo Aliolli do të ishte zgjidhja perfekte për Sotiraq Filon, njeriun e vendosur nga Niko Peleshi në krye të bashkisë së Korçës./CNA.al

Niko Peleshi nxjerr kandidatin e tij për PD-në e Korçës

 

Një ?Trëndelinë? për PD-në e Korçës

 





Lajmet e fundit nga