web counter
LEXO PA REKLAMA!

SHKARKO APP

App Store
Google Play

E fundit!

x

I zhvati 135 mijë euro pronares së hotelit në Tiranë/ “Miku” nga Kosova del sot para gjykatës

25 Prill 2022, 08:49, Kronika CNA

Prokuroria e Tiranës ka kërkuar masën e ?arrestit me burg? për Qerim Krasniqin, 30-vjeçarin nga Kosova i cili u arrestua një ditë më parë pasi akuzohet për mashtrim.

Ka qënë Marjana C., gruaja e cila denoncoi në polici se i riu i kishte marrë shumë të konsiderueshme parash e nuk ia kishte kthyer më.

Vitin e kaluar ai është njohur me pronaren e një hoteli të vogël ku kishte qëndruar si klient. Pas miqësisë që kishin krijuar, ai i mori asaj fillimisht 50 mijë euro, pastaj 20, derisa sipas saj në total 135 mijë euro. Marjana thotë se paratë i ka pasur në bankë pasi kishte shitur një shtëpi. Ajo i ka kërkuar paratë, por ai nxirrte justifikime nga më të ndryshmet, duke i thënë se ishte ose me Covid, ose me oksigjen ose banka i kishte bllokuar llogarinë.

Në momentin kur Krasniqi ndërpreu çdo lloj kontakti me të, gruaja bëri denoncimin. Para hetuesve Qerimi ka thënë që Marjanës i ka marre shumën prej 80 mijë euros të cilën e ka investuar në kriptomonedha, por e ka humbur. Ai flet për një shtetas nga Maqedonia e Veriut, por tregon vetëm emrin, jo të dhëna që të mund te identifikohen.

Krasniqi do të dalë sot para Gjykatës për t?u njohur me masën e sigurisë.





Lajmet e fundit nga