E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

“Presidenti” përplas deputetët/ Alibeaj: Nuk mund të ikim me bishtin ndër shalë

21 Prill 2022, 08:16, Politikë CNA

Procesi i zgjedhjes së Presidentit, ka shkaktuar debate të forta mes deputetëve sot në mbledhjen e grupit parlamentar të PD.

Ndërsa pas përfundimit të mbledhjes, ish-kryeministri Sali Berisha e cilësoi si praktikë mafioze, procesin e nisur nga kryeministri Edi Rama.

Ndërkohë, ka reaguar edhe deputeti Enkelejd Alibeaj, i cili gjithashtu e cilësoi të turpshme propozimin e emrave në zarfa sekret, por shtoi se ?opozita duhet të përballet dhe nuk mund të ikë me bishtin ndër shalë?.

“Sot, çështja e parë e diskutuar ishte e axhendës parlamentare, tjetër çështje ishte qëndrimi që do dhet të mbajë PD lidhur me zgjedhjen e presidentit.

Propozimi im si e kam thënë do duhet në mënyrë kolegjiale të konsultohen të gjithë deputetët për qëndrimin që do duhet të mbajë grupi parlamentar.

Për këtë aryse u la një mbledhje tjetër ku do duhen të merren opinionet e secilit deputet, deputetët janë të barabartë e të sintetizohet një qëndrim final i grupit parlamentar.

E kuptoni që mbledhjet e grupit parlamentar ka gjithmonë zhurmë se ndodh që vjen Berisha dhe pa asnjë lloj roli jep opinionin e tij, është i lirë ta japë opinionin, është influent lidhur me qëndrimin e grupit.

Zgjedhja e Presidentit, pavarësisht kompetencave të rrudhura, është një proces i rëndësishëm.

Pavarësisht ndryshimeve kushtetuese të 2008, marrëveshjes Rama-Berisha, Presidenti zgjidhet edhe me shumicë të thjeshtë.

Kjo e dëmton Opozitën, do kishte mundësi ti vinte dy këmbët në një këpucë mazhorancës.

Por, sërish Edi Rama nuk e ka të drejtën e zgjedhjes së Presidentit.

74 mandate mori nga masakra zgjedhore e 2021. Por, katër deputetë të vet nuk përfaqësojnë më zërin e qytetarëve. Dy janë në qeli dhe dy non-grata, nga SHBA.

Edhe në këtë aspekt është i deligjitimuar të zgjedhë Presidentin.

Duhet të jetë Presidenti i shqiptarëve.

Nuk mund të zgjidhet i futur në zarfe, është e turpshme dhe qesharake.

Ka vetëm dy rrugë, njëra të shmangemi me bishtin ndër shallë. Kjo është e turpshme nuk mund të ndodhë. Duhet të përballemi, jo duke ikur, por duke ia grisur fasadën?-tha Alibeaj./CNA.al