web counter
LEXO PA REKLAMA!

SHKARKO APP

App Store
Google Play

“Akuza për çdo punë të mirë”/ Balluku: Shqipëria e hapur për investitorët e huaj

21 Prill 2022, 18:11, Politikë CNA

Ministrja e Infrastrukturës dhe Energjetikës, Belinda Balluku, ka deklaruar se Shqipëria është e hapur për të gjithë investitorët e huaj, të cilët sot e konsiderojnë vendin tonë si pikë e rëndësishme për zhvillimin e projekteve madhore.

Megjithëse thotë se ka akuza për çdo punë të mirë dhe gënjeshtra për procedurat transparente, Balluku nënvizoi se ka një bashkëpunim të shkëlqyer me kompanitë amerikane në fushën energjetike.

?Akuza për çdo punë të mirë, gënjeshtra për çdo procedurë transparente. Shqipëria është e hapur për të gjithë investitorët e huaj, të cilët falë proceseve model që Qeveria Rama aplikon, në respekt të plotë të barazisë dhe transparencës, sot e konsiderojnë vendin tonë si pikë e rëndësishme për zhvillimin e projekteve madhore. Krenare për bashkëpunimin e shkëlqyer me kompanitë amerikane në fushën energjetike!?, tha Balluku./ CNA.al

 

 

 

A post shared by Belinda Balluku (@belindaballuku)

Kujtojmë se sot në senacën parlamentare, Balluku ka debatuar ashpër me deputetin demokrat Helidon Bushati në parlament, sa i përket tenderit për prodhimin e energjisë elektrike të fituar nga një kompani amerikane. Ministrja hodhi akuza të forta duke thënë se demokratët kanë shkatërruar sistemin elektroenergjetik shqiptar.

?Ju që morët dhe privatizuat 4 nga hidrocentralet energjetike. E di si privatizuat në shkëmbim të tvsh-së, nuk e di se në cilin planet ndodh. Ju privatizuat Bistrica 1, Bistrica 2, Ulzën dhe Shkopetin. Shkatërruat sistemin elektroenergjetik shqiptar. Ju i keni mbajtur shqiptarët në errësirë, sot ndërpritet UBS e parlamentit dhe ka një ilaritet të paparë. Thirrini mendjes, punoni për këtë popull dhe lërini dënglat?, tha ndwr tw tjera ministrja./ CNA.al





Lajmet e fundit nga