E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Kur i mbaron mandati Alibeajt, Gjekmarkajt, Tabakut & Co

21 Prill 2022, 17:51, Politikë CNA

Disa personazhe të djeshëm të Partisë Demokratike vazhdojnë të mbajnë poste, të përballen dhe të luftojnë me shumicën e demokratëve të cilët po bëjnë zgjedhjet, po çlirojnë PD nga kapja dhe marrja peng që i kish bërë Lulzim Basha dhe keqpërdorimi nga Edi Rama. Një prej tyre është Enkelejd Alibeaj, i cili pretendon se është kryetari i partisë pasi e ka komanduar Gazment Bardhi.

Në fakt ai mban edhe postin e kryetarit të grupit parlamentar, të deleguarit të Gjirokastrës, të Vlorës, ka 6 apo 7 poste. Gjithsesi koha e Alibeajt po përfundon shumë shpejt si drejtues në strukturat e larta të PD-së. Sipas të dhënave, në 30 prill do të mbahet Kuvendi Kombëtar i Partisë Demokratike ku do të dalë Këshilli Kombëtar.

Me zgjedhjen e Këshillit Kombëtar do të zgjidhen dhe strukturat e reja drejtuese. Pra së bashku me zgjedhjet e reja në Kuvend do të jenë dhe zgjedhjet e reja në parti. E njëjta situatë është edhe për Gazment Bardhin, pasi Këshilli i ri Kombëtar do të zgjedhë Sekretarin e ri të Përgjithshëm nëpërmjet votimit dhe kandidatura është alternative.

Gjithashtu e njëjta situatë do të jetë edhe për Agron Gjekmarkajn, nënkryetarin e Kuvendit, i cili pretendon se ka dhënë dorëheqjen por në fakt qëndron duke mbajtur benefitet dhe përfitimet që ka si nënkryetar Kuvendi.

Pra të gjitha këta personazhe, që dalin e flasin në emër të PD, njëri si kryetar e nënkryetar, tjetri si kryetar Kuvendi e tjetri si sekretar i Përgjithshëm, pas rreth 10 ditësh do të jenë deputetë të Partisë Demokratike, apo në rast se do të pranojnë të garojnë të zgjidhen për ndonjë post do të jetë në dëshirën e tyre.

Gjithsesi koha e Agron Gjekmarkajt, e Gazment Bardhit dhe Enkelejd Alibeajt po mbaron. Pa harruar këtu edhe nënkryetaren e katërt që është Jorida Tabaku, e cila pretendon se është ende nënkryetare e PD.

Ndërsa Grida Duma është personi i katërt që pritet të ketë të njëjtin fat me paraardhësit, por qëndrimi që ka mbajtur Duma pas 6 Marsit, është krejt ndryshe nga qasja e Tabakut dhe tre personazheve të tjera, të cilët janë kthyer në kamikazë të Lulzim Bashës dhe në kufoma politike të këtij të fundit./ CNA.al