E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Prerja e kokave" në Arsim/ Skenari skandaloz për shkarkimet në administratë

21 Prill 2022, 09:45, Aktualitet CNA

?Furtuna Rama?, ka nisur ?prerjen e kokave? në administratë.

Largimet masive kanë nisur në sistemin arsimor. Janë larguar të gjithë drejtuesit arsimor në rang vendi.

Skenari për largimin e krerëve të arsimit, është i ngjashëm me një skenar filmash.

Që në Asamblenë e Partisë së Socialiste në Shtatorin e vitit të kaluar për të vijuar më tej me prezantimin e projek-buxhetit për arsimin në Nëntor të 2021-shit, Kryeministri Rama, shfrynte dhe paralajmëronte shkarkime në administratë si në arsim dhe në sektorë të të tjerë.

Shkarkimet i ka nisur fillimisht në Arsim.

Për të mos marrë kosto politike, pasi janë edhe zgjedhjet vendore vitin që vjen, është gjetur një shkas, është hartuar një raport nga njësia Antikorrupsion në Ministrisën e Drejtësisë.

Kjo e fundit ka kërkuar masa disiplinore për drejtuesit e arsimit dhe më pas ka ardhur edhe largimi tyre, sipas një skenari që do ta shtjellojmë më poshtë.

Me 16-3.2022, në tryezën e Ministres së Arsimit Evis Kushi, ka mbërrritur raporti përfundimtar për Drejtorinë e Arsimit në Fier.

Në raport thuhet se shkas për hetimet e njësisë antikorrupsion në MD është bërë ngjarja e rëndë, ku një i mitur humbi jetën në një nga kopshtet private në Fier.

I gjithë raporti prej 10 faqesh paraqet situatën me institucionet arsimore në Fier, ndërkohë që masa janë propozuar për të gjithë drejtorët e arsimit në rang vendi.

Pa zbritur në terren, pa kontrolluar situatën nga afër në të gjithë rrethet, janë kërkuar masa të ndryshme disiplinore për të gjithë drejtuesit e arsimit, duke marrë si pretekst mos licensimin e institucioneve parashkollore dhe shkollore private.

Të dhënat janë marrë nga zyra, në rrugë online, pa e prishur rehatinë nga kolltuku, pasi qëllimi duket se ka qenë medeomos shkarkimi i të gjithë krerëve të arsimit, por në një mënyrë të atillë që atyre t?ju ndërpritej rruga për të ndjekur hapat ligjore, në kundërshtim të vendimit për shkarkim.

CNA.al mëson se me mbërritjen e këtij raporti në zyrën e saj, Ministrja e Arsimit ka thirrur të gjithë drejtuesit e arsimit, duke iu tundur para syve raportin dhe duke iu kërkuar dorëheqjen.

Më dorëheqjen ata nuk mund të ndjekin rrugë ligjore dhe të ankohen në gjykatë. Ndërsa po t?i shkarkonin ata do të fitonin gjyqin, plus edhe Rama do të kishte kosto politike.

Një raport i tillë, i hartuar nga njësia anti-korrupsion në Ministrinë e Drejtësisë është përdorur për të “prerë koka” dhe për të dalë i larë nga i gjithë ky skenar i mirëpërgatitur.

Shkarkimet nuk kanë ardhur as nga Kushi e as nga Manja, që kanë firmosur një raport paçavure. Por nga kryeministri Edi Rama, i cili pritet të shtrijë largimet edhe në sektorë të tjerë të administratës.

Në shkrimet në vijim do të sjellim të faktuar sesi raporti është hartuar pa dalë nga zyra dhe si është luajtur blofi me licensimin./CNA.al

Ekskluzive-“Furtuna” Rama prek Arsimin/ Zbulohet dokumenti

Fillojnë largimet në administratë/ Rama urdhëron dorëheqjet e drejtorëve të Arsimit