web counter
LEXO PA REKLAMA!

SHKARKO APP

App Store
Google Play

E fundit!

x

“Ramë dakort të shtyhet konferenca e kryetarëve”/ Mediu zbardh bisedën me Ballën

20 Prill 2022, 15:20, Politikë CNA

Pas takimit me kreun e grupit parlamentar të PS, Taulant Balla, kryetari i grupit parlamentar Aleanca për Ndryshim, Fatmir Mediu, në një deklaratë për mediat u shpreh se zgjedhja e Presidentit duhet të jetë konsensuale.

Mediu zbuloi se u diskutua për shtyrjen e konferencës së kryetarëve, pasi është kërkuar më shumë kohë në dispozicion.

?Ne ai aleancë për ndryshim kërkojmë që negociatat të zhvillohen me një trupë të unifikuar opozitare me mazhorancën. Balla parashtroi kalendarin që duhet zhvilluar në këtë proces, nuk hymë në asnjë diskutim tjetër. Kalendar i cili është diskutuar edhe me kolegë të partive të tjera për të shtyrë konferencën e kryetarëve, për ta zhvilluar jo në datën 29 në mënyrë që të kemi një datë më të madhe në dispozicion. Pastaj përcaktimin e zhvillimit të kësaj çështje mbi atë që ka përcaktuar Kushtetuta. Ramë dakord për të përcaktuar kriteret se si duhet të zgjidhet Presidenti?, tha Mediu.

Ndër të tjera, pyetjes së gazetarëve se nëse PS ka votat për ta zgjedhur e vetme presidentin, çfarë garancie ka opozita që do shkohet drejt një Presidentit konsensual, Mediu është shprehur:

?Unë nuk mendoj që PS i ka votat e mjaftueshme për ta zgjedhur e vetme nëse do lexojmë Kushtetutën. Zgjedhja e njëanshme e cënon parimin që Presidenti duhet të përfaqësojë unitetin. E dyta, kërkon një president konsensual në 3 raundet e para, që do të thotë bashkëpunim të parlamentit.  Ramë dakord që kalendari të shtyhet. Ishte një dakordësi që ishte marrë paraprakisht me përfaqësues të  PDIU dhe padyshim është në interesin tonë.  Ka afate të përcaktuar 24 maj duhet të jetë përfundimi i procesit. Raundet sipas Kushtetutës janë të përcaktuara dhe duhet një fillojë një proces nga data 10?./ CNA.al





Lajmet e fundit nga