web counter
LEXO PA REKLAMA!

SHKARKO APP

App Store
Google Play

Milano vishet zikaltër/ Interi mposht kuqezinjtë e Piolit dhe shkon në finalen e Kupës së Italisë

19 Prill 2022, 20:50, Sport CNA

Asnjë minutë për të pritur për Interin që gjen menjëherë golin e avantazhit me Lautaro Martinez. Një harkim në gjysmëlartësi nga Darmian gjeti të pamarkuar sulmuesin argjentinas që me një goditje mjaft të bukur çoi më pas topin në rrjetë.

Milani nuk e humbi toruan pas golit dhe u hodh në kërkim të baraspeshës. Leao e Calabria provuan për kuqezinjtë, por Samir Handanovic ishte i pakalueshëm. Në momentin më të mirë të Milanit megjithatë, është Interi ekipi që ndëshkon.

Këtë herë ishte një ?tango? argjentinase midis Correa e Martinez me mbrojtjen e Milanit që nxori të vetëm përball portierit Lautaron dhe me një goditje mbi kokën e Maignan i çoi shifrat në 2-0, rezultat që përfundoi edhe pjesa e parë.

Në pjesën e dytë, Milani e nis rrezikshëm dhe gjen golin me Bennacer me një ?predhë? nga jashtë zone. Lojtarët e Interit kërkojnë për një prekje të topit me dorë dhe arbitri shkon të konsultohet me sistemin VAR.

Prekje me dorë nuk ka, por ka një pozicion jashtë loje të Kalulu që ndërhyn në aksion duke detyruar gjyqtarin të anulojë golin. Milani nuk dorëzohet dhe provon prap, por njësoj si në pjesën e parë, është Interi që ndëshkon.

Një kundërsulm i shpejtë nga Interi dhe Marcelo Brozovic gjen Robin Gosens që shënon edhe golin e tretë të takimit dhe të parin me fanellën zikaltër. Kështu, me këto shifra përfundoi dhe takimi me Interin që shkon në finalen e Kupës së Italisë për herë të parë pas 11 vitesh.

KUPA E ITALISË ? Gjysmëfinalja e kthimit
Inter ? Milan 3-0 (0-0)
Shënues: Martinez 4?, 40?, Gosens 82?





Lajmet e fundit nga