web counter
LEXO PA REKLAMA!

SHKARKO APP

App Store
Google Play

Bledi Shkëmbi për të ardhmen e tij: Partizani? E mendoj dhe ëndërroj veten

19 Prill 2022, 19:04, Sport CNA

Ish- trajneri i Dinamos, Bledi Shkëmbi ishte i ftuar në emisionin “Sport News”, ku foli për situatën e klubit që drejtoi për një pjesë të këtij sezoni.  Shkëmbi u emërua trajner i dinamovitëve në verën e kaluar, për të përgatitur rikthimin e klubit në Superligë pas disa vitesh mungesë.

Në fjalën e tij ai preku disa çështje të ndryshme. Ndër të tjera, i pyetur për klubin ku dhe ka luajtur më parë, Shkëmbi tha se do e ëndërronte të merrte drejtimin e skuadrave të mira në Superligë.

“E para që më vjen mirë është ajo që ka bërë klubi Partizani, një kompleks të tillë si trajner i Dinamos e kam vuajtur vetë mungesën e tij. Për këtë vit klubi i Partizanit e ka fituar kampionatin e tij, u ka bërë ndoshta dhuratën më të mirë në 30 vite lojtarëve, trajnerëve, akademisë. Do të ishte gjëja më e mirë që ekipi në fushë t’i përgjigjej këtij investimi, ka bërë ndeshje të mira. Dy të fundit nuk kanë qenë në nivelin më të mirë, por e mendoj normale. Ndoshta ndeshja e Kupës i uli nga pikëpamja psikologjike se luanin mirë futboll, ishin agresivë, por jam i bindur që do të kthehen seriozë.

Unë në pankinën e Partizanit? E mendoj dhe ëndërroj veten në çdo skuadër më të mirë të Shqipërisë, nuk kam pse e fsheh. Për momentin mundohemi të analizoj sa më mirë dhe pastër skuadrat”, u shpreh Bledi Shkëmbi ndër të tjera.





Lajmet e fundit nga