web counter
LEXO PA REKLAMA!

SHKARKO APP

App Store
Google Play

Shehi: Egnatian e kemi rival direkt, duam vetëm fitoren

19 Prill 2022, 16:46, Sport CNA

Mbrojtësi i ardhur në janar te Skënderbeu, Dajan Shehi ka folur para ndeshjes së radhës në kampionat me Egnatian. Ai tregoi se sa e rëndësishme është ndeshja direkte që korçarët do të luajnë këtë javë në shtëpinë e tyre. Për të kjo është nga ato ndeshje që vlen më shumë se tri pikë pasi rifiton menjëherë pozitë ndaj kundërshtarit.

?Pas ndeshjes me Partizanin ku luajtëm mjaft mirë, morali është i lartë, luftuam si të barabartë dhe mund të fitonim. Nuk kishim fat. Çunat besojnë të gjithë te mbijetesa. Do të kërkojmë fitoren ndaj Egnatias dhe të afrohemi me këtë kundërshtar, pasi është rivali ynë direkt për objektivin e mbijetesës.

Në futbollin shqiptar duhet të kesh edhe pak fat, sepse skuadrat aty-aty janë. Neve fati na ka munguar në këtë pjesë të dytë të sezonit pasi nëse analizojmë ndeshjet e bëra, do të duhet të kishim më shumë pikë të grumbulluara.

Do të kërkojmë fitoren me Egnatian, do të jenë edhe gjashtë ndeshje për t?u zhvilluar më pas. Do të mundohemi të japim maksimumin në çdo ndeshje, duke shpresuar se do të zhbllokohen edhe sulmuesit.

Ne të mbrojtjes të bëjmë detyrën tonë dhe të shpresojmë që të shënojmë edhe ne për t?i dhënë një dorë ekipit në këtë moment të vështirë?, mbylli prononcimin e tij Dajan Shehi.





Lajmet e fundit nga