web counter
LEXO PA REKLAMA!

SHKARKO APP

App Store
Google Play

E fundit!

x

Deri më tani janë gjetur trupat e 403 personave të vrarë në Bucha/ Lukashenko përpiqet të fajësojë Britaninë

12 Prill 2022, 15:45, Kosova & Bota CNA

Antaoliy Fedoruk, kryetari i qytetit të Buchas në Ukrainë, qytet i cili u bë i famshëm për botën për shkak të mizorive të zbuluara pas largimit të forcave ruse, ka bërë me dije se autoritetet përkatëse deri më tani kanë gjetur 403 trupa të pajetë, që janë vrarë nga forcat ruse gjatë pushtimit.

Ai tha se është akoma herët që banorët të rikthehen në qytet.

Skenat e civilëve me duar të lidhura që janë qëlluar me plumba në kokë dhe më pas janë shpërndarë rrugëve të Bucha, nxitën zemërim në tërë botën.

Lidhur me ngjarjet në këtë qytet, k ryeministri britanik Boris Johnson akuzoi Rusinë për krime lufte.

Në anën tjetër Rusia është munduar të arsyetojë veprimet, duke pretenduar se trupat e pajetë të civilëve të vrarë ukrainas janë vendosur nëpër rrugë, pas tërheqjes së forcave ruse nga qyteti, duke mohuar se kishin për objektiv civilët.

Madje mbështetësi i Kremlinit, presidenti i Bjellorusisë, Aleksandër Lukashenko, ka akuzuar sot se kanë qenë britanikët ata të cilët kanë orkestruar skenën në Bucha, me qëllim që para syve të botës Rusia të dilte fajtore./ CNA.al





Lajmet e fundit nga