web counter
LEXO PA REKLAMA!

SHKARKO APP

App Store
Google Play

E fundit!

x

BE thirrje Pekinit: Nëse nuk mbështesni paqen, mos u përzieni

1 Prill 2022, 20:50, Kosova & Bota CNA

Kina duhet të tregojë angazhimin e saj për të rivendosur paqen në botë. Kështu kanë deklaruar liderët e BE-së, teksa lufta në Ukrainë vazhdon. Edhe të mbyllësh sytë para saj dhe të luash një rol neutral nuk është opsion.

Kjo frymë ka mbizotëruar në samitin virtual BE-Kinë, i mbajtur të premten, me të dyja palët që u takuan për herë të parë që prej 2020-s.

?Kina ka ndikim tek Rusia, ndaj ne presim që ajo të marrë përsipër përgjegjësinë e saj për t?i dhënë fund kësaj lufte dhe që Rusia të kthehet në tryezën e negociatave. Ne presim që Kina, nëse nuk mbështet sanksionet, të paktën të mos ndërhyjë në këtë çështje?, u shpreh Ursula von der Leyen, presidente e Komisionit Evropian.

Brukseli paralajmëroi Pekinin se do të përballet me pasoja nëse ndihmon Rusinë që t?i shmanget sanksioneve, apo nëse i ofron asaj mbështetje ushtarake.

Marrëdhëniet tregtare, jetike për Kinën, ishin gjithashtu në agjendë. Por gjithçka varet nga arritja e një marrëveshjeje të balancuar për të dyja palët, gjë që sipas ekspertëve nuk do të jetë e lehtë.

?Një mësim që mund të nxirret nga kjo luftë është se të jesh i varur nga vendet që nuk ndajnë vlerat e tua mund të ketë një kosto të lartë. Mendoj se ajo çka evropianët mund të mësojnë është se ne mund të rishikojmë marrëdhëniet me Kinën dhe madje të shqyrtojmë idenë nëse Kina është një partner, një konkurrent, apo rival?, tha Ricardo Borges de Castro, Qendra e Politikave Evropiane.

Samiti u mbyll pa një deklaratë të përbashkët, me Brukselin dhe Pekinin që shfaqën këndvështrime të kundërta. Presidenti kinez Xi Jinping i kërkoi BE-së që të jetë më i pavarur në vendimet e tij diplomatike./euronews





Lajmet e fundit nga