web counter
LEXO PA REKLAMA!

SHKARKO APP

App Store
Google Play

Kosova mposht Shqipërinë në Rrogozhinë, vëllazëroren e vendosin 2 gola

26 Mars 2022, 16:52, Sport CNA

Shqipëria e 19 vjeçarëve e drejtuar nga trajneri Armando Cungu ka luajtur pasditen e sotme ndeshjen e parë vëllazërore me Kosovën në Egnatia Arena, një miqësore në kuadër të grumbullimit që kuqezinjtë po zhvillojnë si përgatitje për turneun eliminator të UEFA-s që do të zhvillohet në muajin shtator në Belgjikë ku skuadra e Cungut do të luajë ndaj vendasve, Spanjës dhe Rusisë.

Ndeshjen e sotme skuadra e filloi me këtë formacion: Dema, Hysaj, Abazaj, Azizi, Betezelis, Ndoci, Shkurti, Daka, Lika , Torraj, Toma. Fraksioni i parë i lojës ishte i barabartë në lojë, me të dy skuadrat që tentuan shumë herë ti afrohen portave respektive për të gjetur avantazhin, avantazh që e gjeti Kosova në minutën e 28-të me Eridon Malokun Ky gol vendosi dhe pjesën e parë që u mbyll 0-1. Në fillimin e pjesës së dytë Kosova gjeti dhe golin e dytë, minutën e 55-të me Rinor Toverlanin.

Kuqezinjtë morën kontrollin e lojës në dorë dhe ju afruan shumë herë golit që do të rihapte ndeshjen por pa arritur të finalizojnë me sukses. Ky test i parë miqësor i ka vlejtur shumë trajnerit Cungu për të parë në aksion shumë lojtarë të rinj që i janë bashkuar për herë të parë skuadrës. Më datë 28 mars do të luhet testi i dytë, përsëri në Egnatia Arena të Rrogozhinës.

Shqipëri U19 ? Kosovë U19 0-2
Golat: Maloku 28?, Toverlani 55?

Shqipëria U-19: Dema, Hysaj, Abazaj, Azizi, Betezelis, Ndoci, Shkurti, Daka, Lika , Torraj, Toma. U aktivizuan: Zabeli, Taleb, Tozaj, Topi, Gjoka, Nako, Musaj, Kurti.
Kosova U-19: Shala, Mehaj, Avdimetaj, Rexhepi, Lubishtani, Toverlani, Ajvazi, Haskaj, Hasani, Rashica, Maloku.





Lajmet e fundit nga