E fundit!

07:10 Sociale

Rriten sërish temperaturat/ Ja sa gradë do të shënojë sot termometri

Ditën e sotme vendi ynë do të mbetet nën ndikimin e masave...

Italia ka harruar se çfarë është Botërori

25 Mars 2022, 12:58, Sport CNA

Ishte viti i largët 2006, ku në atë kohë zhvillohej Botërori në Gjermani. Italia triumfoi duke mundur në finale Francën me penallti dhe kapiteni Fabio Kanavaro ngriti në qiell kupën e shumë kërkuar. Por ajo që pasoi më vonë përsa i përket këtij kompeticioni ishte një makth i vërtetë. Në Botërorin e 2010-ës që u zhvillua në Afrikën e Jugut, italianët u eliminuan që në grupe, po ashtu dhe në vitin 2014. Por ky ishte vetëm fillimi i së keqes pasi të kaltërit po shkonin drejt ?greminës? dalëngadalë.

Viti 2018 ishte një katastrofë e vërtetë pasi Italia në ndeshjet e ?play-off? u eliminua pas barazimit pa gola në ndeshjen e dytë me Suedinë pasi të parën e kishin humbur me rezultatin 1-0. Lot dhe hidhërim në sytë e lojtarëve me legjendën Bufon që dha dorëheqjen nga kombëtarja. Ardhja e Roberto Mançinit solli një revolucion në skuadër. U synua që të ndërtohej një organikë me lojtarë të rinj, por pa harruar veteranët si Bonuçi e Kielini.

Rezultatet ishin të dukshme dhe të shpejta pasi brenda pak vitesh ata arritën të fitonin Europianin duke mundur në finale Anglinë, që ishte vendi mikpritës. Në Kualifikueset e Botërorit 2022 shpresohej që Italia do të përfaqësohej denjësisht, por duket se ?mallkimi? i këtij kompeticioni vazhdoi ta përndiqte. Rezultatet në ndeshjet e fundit e detyruan ekipin e Mançinit që të luante fazën ?play-off? përsëri.

Ata u ndeshën me Maqedoninë e Veriut, një kundërshtar i kalueshëm duke parë organikën e të dyja skuadrave. Por aty ku pak veta e prisnin, të kaltërit u eliminuan me rezultatin 0-1 me një gol në minutat e fundit nga Trajkovski. Një dështim i vërtetë për Italinë, por ndoshta euforia e të qenit Kampionë të Europës bëri që të harronin se ndeshjet fitohen në fushë, e jo jashtë saj.