web counter
LEXO PA REKLAMA!

SHKARKO APP

App Store
Google Play

E fundit!

x

“Basha ka pasur mision përçarjen e PD-së”/ Paloka: Dorëheqja, pjesë e një skenari me hile

21 Mars 2022, 21:02, Politikë CNA

Deputeti demokrat, Edi Paloka ka komentuar në një studio televizive, dorëheqjen e Lulzim Bashës si kryetar i Partisë Demokratike. Ai tha se ky është vetëm veprimi i radhës në një skenar të mbushur me truke. Ai ka shtuar se madje edhe me deklaratën e grupit parlamentar të lexuar nga Alibeaj, nuk ka qenë dakort asnjë deputet i pranishëm në selinë blu.

?E gjitha një gjë qesharake, vazhdë e asaj që po bënte Basha deri tani. S?është më fytyra e Bashës por dolën me të Alibeajt për të mbajtur të njëjtin qëndrim. Vetëm për bashkim nuk mund të bëhet fjalë kur mban qëndrime të tilla. Lulzim Basha ka pasur mision përçarjen e PD. Ka një vazhdim të qëndrimeve të Bashës. Alibeaj është i shkarkuar njësoj si Basha, s?ka asnjë tagër. E bën qesharake, uroj mos të jetë vazhdë e misionit përçarës?, tha Paloka.

Deputeti demokrat sqaroi se edhe vetë Basha e sheh dorëheqjen nga PD si një ngjarje shkak ?pasojë me largimin e Berishës nga Partia Demokratike.

?Basha thotë që ?për shkak të vendimit që mora, u përça Partia Demokratike?, la të nënkuptohej që edhe dorëheqja e tij lidhet me këtë fakt. Kur Basha vetë e deklaron që largimi i Berishës përçau PD-në, si ti tjetri që vjen pas Bashës që i ke kërkuar dorëheqjen Bashës, thua duhet të largohet Berisha. Kjo historia nisi më 9 shtator, shkaku dhe pasoja. Po thua shkaku të iki, pasoja të mbetet. Uroj të jetë një tentativë për të dalë nga situata ku janë. I presim të gjithë deputetët të pranojnë realitetin. E konfirmoi 6 marsi?, tha Paloka./ CNA.al





Lajmet e fundit nga