web counter
LEXO PA REKLAMA!

SHKARKO APP

App Store
Google Play

E fundit!

x

Skenari i Bashës/ Ika unë, tani të ikë Saliu

21 Mars 2022, 18:47, Politikë CNA

Dorëheqja e vonuar e Luzlim Bashës duket se ka pasur një skenar nga pas.

Grupi parlamentar i PD e ka konsideruar dorëheqjen e tij në funksion të zgjdhjes së problematikës, që ka shkaktuar një përçarje të thellë nga qendra në bazë.

Në një draft paraparak, skenari i Bashës del qartë në skenë. Deputetët e Bashës në këtë draft, teksa kanë shprehur gatishmërinë për të negociuar me anëtarët e pezulluar të grupit parlamentar, për të gjetur një zgjidhje të pranueshme dhe për t?i hapur rrugën bashkimit, kërkojnë edhe largimin e ish kryeministrit Sali Berisha nga vendimmarrjet e PD.

Drafti paraprak:

 -Grupi parlamentar i PD vlerëson aktin e dorëheqjes së kryetarit të PD në funksion të zgjdhjes së problematikës, që ka shkaktuar një përçarje të thellë nga qendra në bazë.

-Grupi parlamentar i bën thirrje anëtarëve të pezulluar të grupit të PD që të ofrojnë të njëjtin mekanizëm për tërheqjen e zotit Berisha, që duhet të distancohet nga vendimmarrja në PD, duke u bërë pjesë e zgjidhjes për të shmangur përçarjen dhe për të bërë të mundur bashkimin e demokratëve. Kërkojmë respektimin e vlerave dhe parime e statutore të PD për shmangien e pasojave të deklaruara publikisht nga SHBA.

-Grupi parlamentar shpreh gatishmërinë për të negociauar me anëtarët e pezulluar të grupit parlamentar për të gjetur një zgjidhje të pranueshme për t?i hapur rrugë bashkimit. Grupi ngarkon strukturat përgjegjëse për të pranuar një grup të EPP për të lehtësuar ndërmjetësimin.

Grupi vlerëson se pas dakordësisë i hapet rruga për:

A-Ndërmarrjen e një fushate ndërgjegjësuese në bazë për bashkim

B-Përgatitjen e partisë për zgjedhjet lokale

C- Përgatitjen e kushteve të nevojshme për zgjedhje menjëherë pas zgjedhjeve lokale./E.K-CNA.al





Lajmet e fundit nga