E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Zelenski i Ukrainës kundër Putinit të Rusisë/ Çfarë duhet pritur nga beteja për Kievin

19 Mars 2022, 08:49, Kosova & Bota CNA

Nga Rebecca Grant ?Fox News?

Strategjia e Vladimir Putin është ?përshkallëzimi i luftës pa një lojë përfundimtare? tha të premten Shtëpia e Bardhë. Mos e besoni këtë. Vladimir Putini e di se çfarë dëshiron:të kapë presidentin ukrainas Volodimir Zelenski dhe të pushtojë Kievin.

Siç e zbuloi edhe CIA javën e kaluar, Putini priste një luftë vetëm 2-ditore. Pastaj në skenë u shfaq Zelenski. Dy javë heroike luftimesh të papritura i rritën shpresat e ukrainasve për një fitore. Por tani ka nisur beteja e egër për Kievin, dhe Putini është më i vendosur se kurrë për ta pushtuar.

Dhe SHBA-ja dhe NATO nuk mund të bëjnë më shumë sesa cc`po bëjnë aktualisht për ta ndihmuar Ukrainën, pasi aleanca është e paralizuar nga frika e përshkallëzimit të konfliktit. Ashtu si ju, edhe unë kam parë vështirësitë që ka hasur ushtria ruse në terren, bllokimin e manovrave, të kolonave të automjeteve dhe tankeve, taktika të papërshtatshme të tankeve etj.

?Videoja e njësive ruse të tankeve që ktheheshin mbrapsht pranë Brovarit, do të gdhendet në kujtesën e të gjithë botës?- deklaroi të premten Ministri ukrainas i Mbrojtjes. Por ajo fazë e pavendosmërisë së ushtrisë ruse ka përfunduar. Putini ka nisur sulmin total mbi Kievin, duke përdorur taktikat më brutale të mundshme.

Presidenti rus e ka fuqinë e zjarrit të trupave të tij me më shumë raketa të lëshuara nga toka dhe akoma më shumë sulme ajrore. Forcat tokësore ruse i janë afruar afruan Kievit dhe kolona gjigante që kishte mbetur në vend prej ditësh u shpërnda nëpër pyll, njoftoi Pentagoni.

Javën e kaluar kjo gjë mund të ishte ndalur me fuqinë ajrore të NATO-s. Tani lufta po përshkallëzohet në një luftë guerile. Dhe ja cilat janë pritshmëritë:

Nga Putini:Mënyra e luftimit të Rusisë ka të bëjë me fuqinë e zjarrit me rreze të gjatë. Forcat ruse do të zënë pozicione artilerie që garantojnë një siguri relative, dhe prej andej do të godasin Kievin. Më pas, Rusia do të vazhdojë të lëvizë përpara drejt kryeqytetit ukrainas me njësi më të vogla të blinduara kryesisht me tanke, duke avancuar drejt rrugëve dhe urave në periferitë e Kievit, dhe duke testuar kësisoj edhe rezistencën e trupave ukrainase. Nëse shihni një moment hartën, do të vini re se forcat ruse formojnë tashmë një lloje dare nga lindja dhe perëndimi.

Rusia do të përpiqet që të ndalojë furnizimet për ushtrinë e Ukrainës. Sot, 14 vende vazhdojnë të dërgojnë ende furnizime përmes rrugëve automobilistike, hekurudhore dhe ajrore. Në perëndim, Rusia do të intensifikojë sulmet e reja ndaj aeroporteve që janë ende funksionale dhe pikave të tjera strategjike, siç ka ndodhur ditët e fundit me sulmet në Lutsk dhe aeroportin ushtarak në Ivano-Frankivsk.

Mos harroni se Rusia nuk ka shtënë ende në dorë 3 termocentrale të tjera bërthamore. Putini e ka ndryshuar taktikën, dhe ai nuk po nxiton. Mos harroni që ai e shtyu rrethimin e kryeqytetit çeçen Grozni nga mesi i tetorit 1999 deri në shkurtin e vitit 2000.

Ajo luftë i ngjante shumë luftës së sotme në Ukrainë:përdorim masiv i artilerisë, patrulla zbulimi, dhe një fund i përgjakshëm për rebelët çeçenë. Kur mbaroi lufta, OKB-ja e përshkroi Groznin si ?qytetin më të shkatërruar në botë?.

Çfarë pritet nga Zelenski? Për momentin detyra kryesore e presidentit ukrainas është të mos e humbë optimizmin, duke frymëzuar ushtrinë dhe civilët në Ukrainë të mendojnë se kanë ende një shans për të mposhtur Rusinë. Të premten, Zelenski e lavdëroi Ukrainën për rezistencën e fortë në 16 ditët e para të pushtimit, ose 4 herë më shumë se sa ishte parashikuar nga Moska, dhe i inkurajoi ukrainasit që të vazhdojnë me mbjelljet e pranverës.

Ky është optimizëm! Por opsionet ushtarake të Zelenskit po reduktohen ndjeshëm. Taktika e tij më e mirë është që ai të vazhdojë kundërsulmet në shumë vende kundër tankeve dhe patrullave ruse që po i drejtohen Kievit. Raketat anti-tank Javelin që po përdoren me sukses nga Ukraina, mund të godasin objektivat e tyre në rreth 3.2 km, dhe gjuajtja mund të bëhet nga brenda ndërtesave.

Mbrojtësit e Ukrainës duhet të ngacmojnë dhe godasin automjetet ruse që merren me furnizimin. Ukraina mund ta zgjasë luftën derisa gjeneralët e lartë rusë t?i thonë Putinit se kanë nevojë për më shumë trupa dhe furnizime për të marrë dhe mbajtur Ukrainën.

Por nëse Zelenski humbet kontaktin me linjat e furnizimit jashtë Kievit, ai mund të zgjedhë një tërheqje të organizuar të disa forcave ukrainase dhe funksioneve të qeverisë jashtë kryeqytetit.

?Putini duhet të dështojë?- deklaroi kryeministri britanik Boris Xhonson. Do të ishte mirë të shpresonim që bota mund të ndërhyjë në një farë mënyre për të arritur një armëpushim. Fatkeqësisht, shantazhi bërthamor i Putinit neutralizoi veprimin e 30 vendeve të NATO-s.

Në rrugët e Kievit, do të jetë në dorën e Zelenskit nëse do ta fitojë apo do ta humbasë luftën.

Shënim:Rebecca Grant, analiste e sigurisë kombëtare në Uashington. Ajo është doktoruar në Marrëdhënie Ndërkombëtare në Shkollën Ekonomike të Londrës, dhe më pas ka qenë pjesë e stafit të Shefit të Shtabit të Forcave Ajrore të SHBA-së.

Përkthyer dhe përshtatur nga CNA.al