E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

Rritja e çmimeve/ Çfarë po ndodh me protestën e qytetarëve

19 Mars 2022, 15:24, Aktualitet CNA

Sot u mbajt në Tiranë protesta e dytë kombëtare kundër rritjes së çmimit të naftës dhe produkteve të shportës.

Prej orës 11:00, me dhjetra qytetarë u grumbulluan në sheshin Skënderbej, për të vijuar më pas marshimin në drejtim të Kryeministrisë.

Me pankarta të ndryshme në duar, protestuesit kishin vetëm një kusht: Qeveria të plotësojë të gjitha kërkesat e paraqituara prej tyre.

Pak para nisjes së protestës, forca të shumta të policisë, rrethuan Kryeministrinë, ku në gatishmëri të plotë ishte edhe FNSH e cila ishte pozicionuar në afërsi të godinës së Ministrisë së Brendshme dhe Parlamentit.

Një marshim paqësor, protestuesit në mënyra të ndryshme, i dërguan mesazhe të ndryshme qeverisë, ndërsa kishte edhe nga ata që mbajtën fjalime para selisë së Kryeministrisë.

Rreth një orë pas nisjes së marshimit, protestuesit morën vendimin se do të ngujoheshin për 24 orë para Kryeministrisë. ?Ne kemi marrë vendimin të qëndrojmë 24 orë këtu para kryeministrisë?, tha një prej organizatorëve të protestës.

Por çfarë po ndodh aktualisht?

Kjo protestë e nisur prej më shumë se një jave nga qytetarë të thjeshtë për hallet e tyre, ajo u mor peng dhe u prish nga persona të infiltruar të Sorros-it.

Në orën 11:00 u grumbulluan me dhjetra qytetarë në sheshin Skënderbej, ndërsa tashmë ka ngelur një pakicë e vogël. Të pozicionuar para selisë së Kryeministrisë, kjo pakicë pretendon të qëndrojë deri ditën e nesërme në bulevard. Të numëruar me gishtat e dorës, ata mendojnë se po përfaqësojnë shumicën, ndaj edhe qeveria duhet tu bindet.

?Aktivistët?, pengmarrës të protestave

Migen Qiraxhiu dhe Adriatik Lapaj nën petkun e aktivistëve, kanë marr peng protestat e qytetarëve, duke i çuar ato dëm.

Ky i fundit, sot u shpreh para qytetarëve se nuk janë të bindur nga paketa e rezistencës sociale, që ka prezantuar këto ditë kryeministri Edi Rama.

Lapaj, është një nga personat e infiltruar të Soros-it. Që në vitin 2015 është shfaqur hapur me Soros-in me miqtë e ngushtë të kryeministrit Edi Rama, duke marrë pjesë në fondacionin Shoqëria e Hapur për Shqipërinë. Një fakt tjetër që tregon lidhjen e tij me Sorosin është adresa e tij në Linked in, që tregon se është pjesë e Fondacionit të Soros./E.K-CNA.al

Adriatik Lapajt po i dhemb varfëria e qytetarëve?/ Cili është skenari i të infiltruarve të Soros-it

Merret vendimi/ Qytetarët ngujohen para kryeministrisë

Eksponentët e SOROS-it të parët në protestë/ Si po e çojnë drejt fikjes kauzën e qytetarëve

?T?ju vijë turp?/ Qytetarët i kundërpërgjigjen Ramës me flamurin e Ukrainës